కోర్టుకు చేరిన ‘ఆదిపురుష్‌’ వివాదం

యంగ్ రెబల్ స్టార్ ప్రభాస్ ఆదిపురుష్ సినిమా వివాదం కొనసాగుతోంది. హిందూ పురాణాలను ముఖ్యంగా రామాయణం ను అవమానించే విధంగా, హిందువులను అవమానించే విధంగా ఈ సినిమా ఉండబోతుందని టీజర్ చూస్తుంటే అనిపిస్తుందని చాలా మంది ఆందోళన వ్యక్తం చేస్తున్నారు.

ఈ సమయంలోనే ఢిల్లీకి చెందిన రాజా గౌరవ్ అనే న్యాయవాది తీస్‌ హజారి కోర్టులో పిటిషన్ దాఖలు చేశాడు. ఆదిపురుష్‌ టీజర్ లో రాముని, ఆంజనేయుని అసంబద్ధంగా చూపించాలని ఆయన ఆరోపించారు.

యూట్యూబ్ నుండి ఆ టీజర్ వీడియోను వెంటనే తొలగించాలని, అలాగే సినిమా విడుదలపై స్టే విధించాలని కోర్టును ఆయన కోరడం జరిగింది. ఈ పిటిషన్ విచారణకు స్వీకరించబడితే ఆదిపురుష్‌ సినిమా కష్టాలు మరింతగా పెరిగే అవకాశం ఉందని విశ్లేషకులు అభిప్రాయం వ్యక్తం చేస్తున్నారు.