గోపీచంద్ లీడ్ రోల్ లో నటించిన సీటిమార్ వినాయక చవితి స్పెషల్ గా విడుదలైంది. మరి ఈ చిత్రం మాస్ ప్రేక్షకులను ఆకట్టుకుంటుందా? గోపీచంద్ కు తిరిగి హిట్ వస్తుందా లేదా అన్నది చూద్దాం.
కార్తీక్ (గోపీచంద్) ఆంధ్రప్రదేశ్ మహిళల కబడ్డీ జట్టుకి కోచ్ గా పనిచేస్తుంటాడు. తనకున్న లక్ష్యమల్లా ఈ టీమ్ ను నేషనల్ కబడ్డీ ఛాంపియన్ షిప్ లో గెలిచేలా చేయడమే. అయితే ఆ లక్ష్యానికి ఆ టీమ్ లో ప్లేయర్స్ అంతా కిడ్నప్ అవ్వడంతో చెల్లాచెదురవుతుంది. కిడ్నప్ చేసింది ఎవరు? దేనికోసం చేసారు? దీని వెనుక ఉన్నవారిని కార్తీక్ ఎలా బయటకు లాగాడు? చివరికి ఏమైంది అన్నది కథ.
గోపీచంద్ కు మాస్ సీన్స్ కొట్టిన పిండి. కన్వెన్షనల్ మాస్ రోల్స్ తన బలం. సీటిమార్ సరిగ్గా ఇదే జోనర్ కు చెందింది కావడంతో గోపీచంద్ కు ఈ చిత్రం నల్లేరు మీద నడకే అయింది.
భారీ యాక్షన్ సన్నివేశాలు, ఊర మాస్ ఎలివేషన్స్ తో లాజిక్స్ లేని పక్కా కమర్షియల్ చిత్రాలను ఎంజాయ్ చేసేవారికి నచ్చుతుంది. మొత్తంగా ఒకసారి చూడదగ్గ చిత్రంగా పేర్కొనవచ్చు.