కోనసీమ జిల్లా పేరు రగడ ఇక్కడితో చల్లారిపోతుందా.? ఏమోగానీ, ఇదొక నిరంతర ప్రక్రియ అట.! ఔను, జిల్లాల పేరు మార్పు ఓ నిరంతర ప్రక్రియ.. అంటూ మంత్రి బొత్స సత్యనారాయణ సెలవిచ్చారు. ఇది కాస్త ఆలోచించాల్సిన విషయమే.
ఓ రకంగా చూస్తే, జిల్లాలకు పేర్లు పెట్టడం అనేది నిరంతర ప్రక్రియ అయితే కావొచ్చుగాక.! కానీ, పేర్లు మార్చడం వల్ల ప్రయోజనమేంటి.? ఉమ్మడి తెలుగు రాష్ట్రంలో జిల్లాల పేర్లు మార్చడం అనేది చాలా చాలా చాలా అరుదుగా జరిగింది. చంద్రబాబు హయాంలో ఒక్క జిల్లా పేరు కూడా మార్చలేదు.. 13 జిల్లాల ఆంధ్రప్రదేశ్ రాష్ట్రానికి సంబంధించి.
ఆయా జిల్లాలకు పేర్లు మార్చాలనే డిమాండ్లు రావడంలో వింతేమీ లేదు. కాకపోతే, పేర్లు మార్చడం వల్ల ప్రజలకు అదనంగా ఒనగూడే ప్రయోజనమేంటని పాలకులు ఆలోచించాలి. తమ రాజకీయ లబ్దికోసం మాత్రమే అధికారంలో వున్న పార్టీలు ఇలా పేర్లతో రాజకీయాలు చేస్తుంటాయి.
కోనసీమ జిల్లా విషయాన్నే తీసుకుంటే.. కోనసీమ అని పేరు వున్నా.. అంబేద్కర్ అనే పేరు వున్నా, అంబేద్కర్ కోనసీమ.. అనే పేర్లు వున్నా.. ఆ జిల్లా వాసుల జీవనంలో పెద్దగా మార్పులేమీ వుండవు. పేర్లు మార్చడం వల్ల కోనసీమ జిల్లాలో ప్రజలంతా రాత్రికి రాత్రి ధనవంతులో, చైతన్యవంతులో అయిపోతారనుకోవడం మూర్ఖత్వం.
మరెందుకు పేర్లతో రాజకీయాలు నడుస్తున్నట్టు.? ఇదేమీ మిలియన్ డాలర్ల ప్రశ్న కాదు. పేరు మార్చమని ఒకరంటారు.. మార్చొద్దని ఇంకొకరు అంటారు. ఎవరు ఏమన్నాగానీ, ప్రభుత్వంలో వున్నోళ్ళు తాము ఏం చేయాలనుకుంటారో.. అదే చేస్తారు. రాష్ట్ర రాజధాని అమరావతిని మూడేళ్ళపాటు తొక్కిపెట్టిన పాలకులు, తద్వారా రాష్ట్రానికి ఏం లాభం చేకూర్చారు.? రాష్ట్రానికి నష్టాన్ని మిగల్చడం తప్ప.. అందులో కలిగిన ప్రయోజనమేమీ లేదు.
కోనసీమ జిల్లా పేరు విషయంలోనూ అంతే. ఈ వివాదం చల్లారితే, ఇంకో జిల్లా పేరుతో కొత్త వివాదం షురూ అవుతుంది. మంత్రిగారే చెప్పారు కదా.. నిరంతర ప్రక్రియ అని.! రాష్ట్ర ప్రజలే, జరుగుతున్న పరిణామాల్ని అర్థం చేసుకోవాలి.
65721 38831Some genuinely intriguing data, properly written and broadly user pleasant. 950049