వైఎస్సార్ కాంగ్రెస్ పార్టీకి చెందిన నేతల మీద, అందునా ప్రజా ప్రతినిథుల మీద గత కొంతకాలంగా ‘మహిళలతో బంచిక్’ వ్యవహారాలకు సంబంధించిన ఆరోపణలు వింటున్నాం, చూస్తున్నాం. మాజీ మంత్రి అవంతి శ్రీనివాస్, మంత్రి అంబటి రాంబాబు.. చెప్పుకుంటూ పోతే, ఈ లిస్టు చాలా చాలా పెద్దదే.!
సినీ నటుడు ‘థర్టీ ఇయర్స్ ఇండస్ట్రీ’ పృధ్వీ అయితే, ఎస్వీబీసీ ఛానల్ ఛైర్మన్గా వున్న సమయంలో ఓ మహిళను వెనక నుంచి వాటేసుకున్న ఉదంతం అప్పట్లో పెను దుమారం రేపింది. ఆయనొక్కడి మీదనే వైసీపీ చర్యలు తీసుకుంది తప్ప, అవంతి శ్రీనివాస్ విషయంలోనూ.. అంబటి రాంబాబు విషయంలోనూ వైసీపీ చర్యలు తీసుకోలేదు.
‘అబ్బే, అదంతా ఫేక్.. పోలీసులకు ఫిర్యాదు చేశాం.. నిజాలు నిగ్గు తేల్చేస్తాం..’ అంటూ అవంతి, అంబటి.. అప్పట్లో చేసిన హంగామా అంతా ఇంతా కాదు. ఆ వ్యవహారం ‘ఫేక్’ అని నిరూపించింది కూడా లేదు. ఒకసారి కాదు, రెండు మూడు సార్లు అంబటి రాంబాబుకి సంబంధించిన ఆడియో టేపులు బయటకు రావడం అప్పట్లో కలకలం రేపింది.
తాజాగా, ఈ లిస్టులోకి హిందూపురం ఎంపీ గోరంట్ల మాధవ్ చేరారు. ఏకంగా గోరంట్ల మాధవ్కి చెందినదిగా చెప్పబడుతున్న ఓ న్యూడ్ వీడియో క్లిప్పింగ్ సోషల్ మీడియాలో వైరల్ అయ్యింది. ఓ మహిళతో న్యూడ్గా గోరంట్ల మాధవ్ వీడియో కాల్లో మాట్లాడారన్నది ఆ వీడియో ఆధారంగా చేసుకుని వస్తున్న ఆరోపణ.
తూచ్.. అదంతా ఉత్తదే.. అని ఆయన కొట్టి పారేయొచ్చుగాక.! వైసీపీ కూడా ఈ విషయమై బుకాయించొచ్చుగాక. కానీ, గోరంట్ల మాధవ్పై గతంలోనూ ఇలాంటి ఆరోపణలు చాలానే వచ్చాయి. పోలీస్ అధికారిగా ఆయన గతంలో పనిచేసినప్పుడే ఆయన మీద పలు ఆరోపణలున్నాయి, కొన్ని కేసులు కూడా నమోదైనట్లు తెలుస్తోంది.
ఇంత జరిగాక కూడా, గోరంట్ల మాధవ్ని వైసీపీ వెనకేసుకొస్తే, ఇక మాట్లాడుకోవడానికేముంటుంది.? బాధ్యతగల ప్రజా ప్రతినిథి.. అందునా ఎంపీ.! అంతటి పెద్ద స్థానంలో వుండి కూడా, గోరంట్ల మాధవ్ ఇలా ఎలా చేయగలిగారు.? ఇట్ హ్యాపెన్స్ ఓన్లీ ఇన్ వైఎస్సార్ కాంగ్రెస్ పార్టీ.. అంటూ హిందూపురం నియోజకవర్గ ప్రజలే కాదు, తెలుగునాట ప్రతి ఒక్కరూ అనుకుంటోన్న పరిస్థితి.
315379 934482hi!,I really like your writing so a lot! 788058
328009 524293I enjoy your function , regards for all of the informative posts . 503960