చేతికి ఐదొందలిస్తే చాలు, ఎవరి మీదైనా గుడ్లు, టమోటాలు.. వీలైతే రాళ్ళు కూడా విసిరే జనాలున్నప్పుడు ఏ రాజకీయ పార్టీకి అయినా అది ఓ వరమే కదా.! ఈ జనాలు కొత్తగా ఏమీ పుట్టుకు రాలేదు. ఎప్పటినుంచో ఈ ట్రెండ్ వున్నదే. అయితే, ఈ గత కొంతకాలంగా ఈ వికృత సంప్రదాయం మరుగున పడిపోయింది. మళ్ళీ అదిప్పుడు ఊపిరి పోసుకుంటోంది వైఎస్సార్ కాంగ్రెస్ పార్టీ పుణ్యమా అని.
విశాఖలో టీడీపీ అధినేత చంద్రబాబుని అడ్డుకునేందుకు మనిషికి 500 రూపాయలు చెల్లించి మరీ తీసుకొచ్చింది వైఎస్సార్ కాంగ్రెస్ పార్టీ. ‘వాళ్ళూ వాళ్ళూ బాగానే వుంటారు.. 500 కోసం మన జీవితాలు నాశనం చేసుకోవాలా.? పార్టీ కార్యక్రమం కోసం రమ్మంటే వచ్చాం.. దాడులు చేయడానికైతే మేం ఒప్పుకోం..’ అంటూ ‘పెయిడ్ బ్యాచ్’ ఎదురు తిరిగేసరికి, విశాఖ వైసీపీ నేతలకు దిమ్మ తిరిగి మైండ్ బ్లాంక్ అయ్యింది.
అయితే, మరికొందరు మాత్రం తీసుకున్న డబ్బులకి బాగానే న్యాయం చేశారు. చంద్రబాబు మీదా, పోలీసుల మీదా గుడ్లు, టమోటాలతో దాడులు చేశారు. ఇంతకీ, అవన్నీ వారికి ఎలా వచ్చాయ్.? అంటే, ఇదంతా పక్కా ప్లానింగ్తోనే జరిగిందనే విషయం అర్థమవుతోంది. ఎయిర్పోర్ట్ పరిసరాల్లోకి ముందుగానే అసాంఘీక శక్తులు ప్రవేశించాయి. రోడ్డు మధ్యలో వుండే మొక్కల మాటున బ్యాగుల్లో గుడ్లు, టమోటాల్ని కొందరు దాచారు. చంద్రబాబు ఇలా ఎయిర్ పోర్ట్ నుంచి బయటకు వచ్చేందుకు ప్రయత్నించారో లేదో.. అలా ఆ బ్యాగుల్లోంచి ‘ఆయుధాల్ని’ బయటకు తీసి ఎంపిక చేసుకున్న కొందరికి పంచారు.
ఇలా గుడ్లు, టమోటాలు విసినవారికి అప్పటికప్పుడు అదనంగా 1000 నుంచి 2000 రూపాయల వరకు ఇచ్చారట కూడా. ప్రజాస్వామ్యంలో నిరసన తెలిపే హక్కు ప్రతి ఒక్కరికీ వుంటుంది. మూడు రాజధానుల్ని చంద్రబాబు వ్యతిరేకిస్తున్న దరిమిలా, ఆయనకు నిరసన తెలపాలనుకుంటే దానికి చాలా మార్గాలున్నాయి.
అమరావతిలో గత డెబ్భయ్ రోజులుగా ఏం జరుగుతుందో చూస్తున్నాం. ముఖ్యమంత్రి, ఆందోళనలు జరుగుతున్న ప్రాంతాల నుంచే అసెంబ్లీకి వెళుతున్నారు. ఏ రోజన్నా అక్కడ ఇలాంటి ఘటనలు జరిగాయా.? జరిగితే, పరిస్థితి కాల్పులదాకా వెళ్ళేదేమో.! అంతా ఓ పద్ధతి ప్రకారమే జరిగింది విశాఖలో. ఇది చంద్రబాబుని అవమానించేందుకా.? రాజకీయంగా చంద్రబాబుకి మైలేజ్ పెంచేందుకా.? అన్నది మాత్రం తేలాల్సి వుంది.
386799 313465Companion, this internet internet site will be fabolous, i merely like it 691451
857595 998293Interesting point of view. Im curious to believe what type of impact this would have globally? Sometimes men and women get just a little upset with global expansion. Ill be around soon to have a look at your response. 782105