‘లేకి’ జర్నలిజం.! పవన్ కళ్యాణ్‌పై ఏడవడమే పాత్రికేయమా.?

జనసేన అధినేత పవన్ కళ్యాణ్ కులాల ప్రస్తావన తెస్తున్నారు. ఏం, ఎందుకు తీసుకురాకూడదు.? పేరు చివర్న రెడ్డి, చౌదరి.. ఇలా తోకలు పెట్టుకున్న నాయకులు, కులాల పేరుతో రాజకీయాలు చేయొచ్చుగానీ, కులాల్ని కలిపే గొప్ప ఆలోచన జనసేన అధినేత పవన్ కళ్యాణ్ చేయకూడదంటే, అంతకన్నా హాస్యాస్పదం ఇంకేముంటుంది.?

దేశం, రాష్ట్రం అన్న భావన ఎలాగూ లేదు, కనీసం కులం అన్న భావనైనా పెంచుకోండా.. కులం పరంగా బాగు కోరుకుంటే, ఆ తర్వాత రాష్ట్రం బాగు, దేశం బాగు గురించి కూడా ఆలోచించగలుగుతారని జనసేన అధినేత పవన్ కళ్యాణ్ చెప్పడం నేరమవుతుందా.? ఛాన్సే లేదు.

తూర్పు కాపు సామాజిక వర్గ ప్రతినిథులు జనసేన అధినేత పవన్ కళ్యాణ్‌తో భేటీ అయ్యారు. కులాల పేరుతో కార్పొరేషన్లు పెట్టేసి, రాష్ట్రాన్నీ, రాష్ట్ర ప్రజల్నీ ఉద్ధరించేస్తున్నామని అధికార వైసీపీ చెప్పుకుంటోంది. అదే నిజమైతే, తూర్పు కార్పు సామాజిక వర్గం, ‘మాకు అన్యాయం జరుగుతోంది మహాప్రభో..’ అని జనసేన అధినేత వద్ద ఎందుకు వాపోతారు.?

సరే, రాజకీయ పార్టీలు, ప్రభుత్వాలు.. వాటి ఆలోచనలు.. అదంతా వేరే సంగతి. అధికార పార్టీ విసిరే బిస్కెట్ల కోసం కక్కుర్తిపడే ‘ది గ్రేట్’ బులుగు జర్నలిజం ‘లేకితనం’ గురించి మాట్లాడితే ఎలా.? ఆ లేకితనంతోనే కదా, ఆ కులగజ్జి తమ నరనరానా జీర్ణించుకుపోవడం వల్లనే కదా, అధికార వైసీపీకి వంత పాడుతున్నది.? ఆ అధికార వైసీపీ మోచేతి నీళ్ళ తాగుతున్నది.

జనసేన అధినేత పవన్ కళ్యాణ్‌ని విమర్శించడానికి, ఆయనేమన్నా అక్రమాస్తుల కేసులో జైలుకు వెళ్ళివచ్చారా.? ఆయన పేరు చివర్న ఏమన్నా కులం తాలూకు తోక వుందా.? ప్రజల సొమ్ము జనసేనాని తినేశారా.? కష్టార్జితాన్ని కదా, కౌలు రైతు భరోసా పేరుతో ధారపోస్తున్నది.?

నవ్విపోదురుగాక వాళ్ళకేటి సిగ్గు.? లేకితనానికి కేరాఫ్ అడ్రస్‌గా మారిపోయినోళ్ళు, లేకితనమంటూ విమర్శలు చేస్తున్నారు.