రాష్ట్రం కరోనా వైరస్ కారణంగా తల్లడిల్లుతోంది. ఒక్క తూర్పుగోదావరి జిల్లాలోనే ఈ రోజు ఏకంగా 3500కి పైగా కరోనా పాజిటివ్ కేసులు నమోదయ్యాయి. రాష్ట్ర వ్యాప్తంగా నేడు నమోదైన కొత్త కేసుల సంఖ్య దాదాపు 22 వేలు. 72 మంది ప్రాణాలు కోల్పయారు. ఇలాంటి పరిస్థితుల్లో కూడా బాధ్యతగల మంత్రులు మరింత బాధ్యతాయుతంగా వ్యవహరించడం సంగతి కాస్త పక్కన పెట్టి, మీడియాపైనా.. విపక్షాలపైనా విరుచుకుపడటానికి ప్రాధాన్యతనిస్తున్నారంటే, ఏమనుకోవాలి.? నిజానికి, ఇది చాలా చాలా ప్రత్యేకమైన సందర్భం.
విపక్షాలు, ప్రభుత్వంపై ఒత్తిడి తెచ్చేందుకో, కింది స్థాయిలో వున్న దారుణ పరిస్థితుల్ని ప్రభుత్వం దృష్టికి తీసుకొచ్చేందుకో.. విమర్శలు చేయడం అన్నది సహజాతి సహజం. గతంలో వైఎస్ జగన్ మోహన్ రెడ్డి కూడా, కీలక సమయాల్లో ప్రభుత్వంపై దుమ్మెత్తిపోశారు. అయితే, గతంలో ఎన్నడూ చూడని మహమ్మారి కరోనా వైరస్. ఈ సమయంలో విపక్షాలు విమర్శలు చేసినా, సూచనలు చేసినా.. వాటిని ప్రభుత్వం పరిగణనలోకి తీసుకోవాలి. తన పని తాను చేసుకుపోవాలి.
అంతే తప్ప, మీడియా మీదనో, విపక్షాల మీదనో.. విమర్శలు చేయడం కోసం మంత్రులు, ఇతర బాధ్యతగల వ్యక్తులు.. విలువైన సమయాన్ని వృధా చేయాలనుకోవడం అంటే, అంతకన్నా హాస్యాస్పదం ఇంకోటుండదు. రాష్ట్రంలో కరోనా వైరస్ కొత్త స్ర్టెయిన్ గురించి దేశమంతా చర్చించుకుంటోంది. దీన్ని ఆంధ్రపదేశ్ స్ట్రెయిన్ అని వ్యవహరిస్తున్నారు కూడా. దీని విషయమై ప్రభుత్వం తొందరపడి ప్రకటనలు చేయడం సమంజసం కాదు. మీడియాలో వచ్చే కథనాలు, ప్రజల్ని అప్రమత్తం చేసేందుకు కాస్తయినా ఉపయోగపడతాయి. భయం అక్కర్లేదు.. అని కరోనా గురించి ఎవరైనా చెబితే అంతకన్నా హాస్యాస్పదం ఇంకోటుండదు.
భయపడాల్సిందే.. ఎందుకంటే, భయం లేకపోతేనే జనం రోడ్ల మీదకు వచ్చేయగలుగుతున్నారు మరి. రాష్ట్రంలో కరోనా కట్టడి కోసం 18 గంటల కర్ఫ్యూ పెట్టినా.. చాటుగా మాటుగా జనం తిరిగేస్తున్నారు. అలాంటివారి విషయమై కఠిన చర్యలకు ప్రభుత్వం సమాయత్తమవ్వాలి. ఎక్కడ ఇలాంటి సమస్యలున్నాయో సమాచారాన్ని సేకరించి, చర్యల దిశగా మంత్రులు స్పష్టమైన ఆదేశాలివ్వాలి. ప్రభుత్వ, ప్రైవేటు ఆసుపత్రుల్లో వసతుల లేమి గురించి లెక్కకు మిక్కిలిగా ఫిర్యాదులొస్తున్నాయి. సోషల్ మీడియాలో అయితే, రాష్ట్రంలో పరిస్థితులు కళ్ళకు కట్టినట్లు కనిపిస్తున్నాయి. వీటి గురించి శ్రద్ధ పెట్టాలి తప్ప, విపక్షాలపై బురద చల్లితే, రాష్ట్ర ప్రజలకు అదెలా మేలు జరుగుతుందో మంత్రులకే తెలియాలి.
299007 66058Its like you read my mind! You appear to know so a lot about this, like you wrote the book in it or something. I feel that you can do with some pics to drive the message home a bit, but instead of that, this is amazing blog. A fantastic read. Ill definitely be back. 203777
449296 632197Bookmarked your great website. Fabulous work, exclusive way with words! 704612
915376 784993very nice post, i definitely really like this internet site, keep on it 848540