ప్రతిపక్ష నేత ఇంటి మీదకు అధికార పార్టీ ఎమ్మెల్యే, తన అనుచరులతో కలిసి వెళితే, ‘అబ్బే, అది దాడి కాదు.. వినతి పత్రం ఇచ్చేందుకు చేపట్టిన కార్యక్రమం..’ అంటూ చిత్ర విచిత్రమైన వివరణలు.. అధికార పార్టీ నుంచి.. అలాగే, పోలీసు అధికారుల నుంచీ వచ్చింది. ఓ రాష్ట్రంలో శాంతి భద్రతల పరిస్థితి ఎలా వుందో చెప్పడానికి ఇంతకంటే నిదర్శనం ఇంకేం కావాలి.?
ముఖ్యమంత్రికి వినతి పత్రం ఇచ్చేందుకోసమంటూ పదుల సంఖ్యలో అనుచరుల్ని వెంటేసుకుని, ఇతర పార్టీలకు చెందిన నేతలెవరైనా వెళితే, దాన్ని పోలీసులు అడ్డుకుంటారా.? లేదంటే, ‘వినత పత్రం కదా..’ అని ఊరుకుంటారా.? అప్పుడు అలా పోలీసు వ్యవస్థ లైట్ తీసుకుంది కాబట్టే, వైసీపీ నేతలు, కార్యకర్తలు ఇప్పుడిలా చెలరేగిపోయారు.
ఆంధ్రప్రదేశ్ రాష్ట్రంలో చాలా చోట్ల టీడీపీ కార్యాలయాల మీద దాడులు జరిగాయి. గుంటూరు జిల్లా మంగళగిరిలో టీడీపీ రాష్ట్ర కార్యాలయంలో పరిస్థితి మరీ అధ్వాన్నం. అక్కడ జరిగిన విధ్వంసం చూస్తే, ఇది రాజకీయ దాడి కాదు.. తీవ్రవాద దాడి.. అన్నట్టు తయారైంది పరిస్థతి.. అన్న భావన టీడీపీ శ్రేణుల నుంచి వ్యక్తమవుతోంది.
‘ఇది స్టేట్ స్పాన్సర్డ్ టెర్రరిజం..’ అంటూ టీడీపీ అధినేత చంద్రబాబు ఆవేశంతో ఊగిపోయారు. తక్షణం రాష్ట్ర ప్రభుత్వంపై చర్యలు తీసుకోవాలంటూ కేంద్రానికి ఫిర్యాదు చేశారు చంద్రబాబు. అంతేనా, రాష్ట్రంలో ప్రభుత్వాన్ని రద్దు చేసి, రాష్ట్ర పతి పాలన పెట్టాలనే డిమాండ్ కూడా చేసేశారు ప్రతిపక్ష నేత.
సరే, చంద్రబాబు డిమాండ్ చేసేసినట్టు కేంద్రం అంత రిస్క్ చేస్తుందా.? అన్నది వేరే చర్చ. కానీ, రాష్ట్రంలో నేడు చోటు చేసుకున్న విధ్వంసం చూస్తే.. అధికార పార్టీ తప్ప, రాష్ట్రంలో ఇంకెవరూ వుండకూడదన్నట్టుగా అధికార పార్టీ నేతలు, కార్యకర్తలు, మద్దతుదారులు వ్యవహరిస్తున్న వైనం సుస్పష్టంగా కనిపిస్తుంది.
ఇంతటి విధ్వంసాన్ని ఇంటెలిజెన్స్ వర్గాలు గుర్తించలేకపోవడమా.? ఏకకాలంలో రాష్ట్రంలోని పలు చోట్ల టీడీపీ కార్యాలయాలపై దాడులు జరగడమా.? కర్రలు, ఇనుప రాడ్లు పట్టుకుని మరీ దాడికి వెళ్ళడమంటే.. పక్కా ప్లానింగ్ ఈ మొత్తం దాడుల వ్యవహారం వెనుక వుండే వుండాలి.
టీడీపీ నేత పట్టాభి, ముఖ్యమంత్రి వైఎస్ జగన్ మోహన్ రెడ్డి మీద గంజాయి స్మగ్లింగ్ వ్యవహారానికి సంబంధించి చేసిన వ్యాఖ్యలతోనే, కార్యకర్తల మనోభావాలు దెబ్బతిని పరిస్థితి చెయ్యిదాటిందంటోన్న అధికార వైసీపీ కల్లబొల్లి కబుర్లనే పోలీసులూ వల్లించబోతున్నారా.? ఏమోగానీ.. రాష్ట్రం పరువు పోయింది.. దేశంలో ఈ తరహా విధ్వంసాలు బీహార్ తదితర రాష్ట్రాల్లో చూస్తుంటాం. ఆంధ్రప్రదేశ్ రాష్ట్రాన్ని వాటన్నిటికంటే ముందు వరుసలో నిలబెట్టేశారిప్పుడు.
212976 3120I believe this web website has got quite fantastic indited written content material articles . 591534
397265 727056The leading source for trustworthy and timely health and medical news and info. 469666