‘ఎమ్మెల్యేలం, ఇతర ప్రజా ప్రతినిథులం జీతాల్ని వదులుకుంటాం.. ఉద్యోగులు కూడా సిద్ధమేనా.?’ అంటూ వైసీపీ నేత ఒకరు విసిరిన సవాల్, ఉద్యోగ వర్గాల్లోనూ చర్చనీయాంశంగా మారింది. ఇదెక్కడి సవాల్.? అసలు అధికార వైసీపీకి బుద్ధి వుందా.? లేదా.? అంటూ కొందరు ఉద్యోగులు మండిపడుతున్నారు.
‘సరే, మేం మా ఆస్తుల్ని మీకు ఇచ్చేస్తాం.. మీ ఆస్తుల్ని మాకు ఇచ్చేస్తారా.. బినామీ ఆస్తులతో సహా..’ అంటూ ఉద్యోగుల నుంచి అధికార వైసీపీకి సూటి ప్రశ్న ఎదురవుతోంది. ఎందుకీ పరిస్థితి.? అసలు, ఉద్యోగుల జీతాలపై ఇంత వివాదమెందుకు.?
‘మేం మిమ్మల్ని ఉద్ధరించేస్తున్నాం మొర్రో..’ అని ప్రభుత్వ పెద్దలు చెబుతోంటే, ‘ఉద్ధరించెయ్యక్కర్లేదు.. మా బతుకులు నిన్న మొన్నటిదాకా ఎలా వున్నాయో.. ఇప్పుడూ అలా వుంచితే చాలు..’ అని ఉద్యోగులు అంటున్నారంటేనే, ఉద్ధరణ పేరుతో ఎలా ఉద్యోగుల్ని ప్రభుత్వం ఇబ్బందులు పెట్టబోతోందో అర్థంచేసుకోవచ్చు.
మొన్నామధ్య ఎయిడెడ్ స్కూళ్ళ విషయంలోనూ ఇలాగే జరిగింది. ఒక్క విషయంలో కాదు, చాలా విషయాల్లో ఇదే పరిస్థితి. ఓ చేత్తో ఇచ్చి, ఇంకో చేత్తో లూటీ చేయడమే పాలన.. అన్నట్టుగా తయారైంది అధికార వైసీపీ వ్యవహారం. వాలంటీర్లన్నారు.. చెత్త పన్నుతో వాలంటీర్ల జీతాల్ని మించి జనం నుంచి లాగేస్తున్నారన్న ఆరోపణల్ని చూస్తున్నాం.
ఆటోలు నడుపుకునేవారికి ఆర్థిక సాయమన్నారు.. ధ్వంసమైన రోడ్లను బాగు చేయకుండా.. వాహనాలు నడిపేవారి జీవితాలతో చెలగాటమాడుతున్నారు. ఇదీ రాష్ట్రంలో పాలన. ఇవన్నీ ఉద్యోగులకి తెలియనివా.? ఉద్యోగులు అనుభవంచనివా.? అందుకే, అధికార పార్టీ ఉద్ధరణ కార్యక్రమంపై ఉద్యోగులు గుస్సా అవుతున్నారు.
తాతకు దగ్గులు నేర్పినట్టు, ఉద్యోగులకు పీఆర్సీ వంటి వ్యవహారాలపై ప్రభుత్వ పెద్దలు కాకమ్మ కబుర్లు చెబుతోంటే, నవ్వాలో ఏడవాలో తెలియని పరిస్థితి. ఉద్యోగులంటే, విద్యాధికులు.. వారి దగ్గర సాదా సీదా రాజకీయ నాయకుల కుప్పిగెంతులు హాస్యాస్పదం కాక మరేమిటి.?
855494 291943Yay google is my world beater aided me to discover this outstanding internet internet site ! . 263602
209492 998480Excellent post, I conceive blog owners ought to acquire a good deal from this web blog its real user pleasant. 135793
456028 505424Your weblog has exactly the same post as one more author but i like your much better.~:; 421603