నవ్విపోదురుగాక మనకేటి.? అన్నట్టుంది అధికార వైఎస్సార్ కాంగ్రెస్ పార్టీ తీరు.. మూడు రాజధానుల విషయంలో. రాజధాని సంగతి దేవుడెరుగు.. కనీసం, రాష్ట్రంలో రోడ్లకు పడ్డ గుంతల్ని బాగు చేయలేని దుస్థితి ఓ వైపు కనిపిస్తోంటే, ఇంకో వైపు మూడు రాజధానులు కట్టి తీరతామంటోంది వైసీపీ.
ఎలా.? అదెలా.? సాధ్యమయ్యేదెలా.? అంటూ వైసీపీ శ్రేణులే ముక్కున వేలేసుకుంటున్నా, అధికార పార్టీ నేతల తీరు మూడు రాజధానుల విషయంలో మాత్రం రోజురోజుకీ మరింత హాస్యాస్పదంగా మారిపోతూనే వుంది. సీరియస్గా ప్రకటనలు ఇచ్చేస్తున్నామని వైసీపీ నేతలు అనుకోవచ్చుగాక, కానీ అది బీభత్సమైన కామెడీ అయిపోతోంది.
ఇటీవలే వైఎస్ జగన్ ప్రభుత్వం, మూడు రాజధానుల చట్టాన్ని వెనక్కి తీసుకుంది. అయితే, మూడు రాజధానుల నిర్ణయం నుంచి వెనక్కి తగ్గడంలేదనీ, మరోమారు మెరుగైన బిల్లుతో వస్తామనీ ముఖ్యమంత్రి వైఎస్ జగన్ మోహన్ రెడ్డి అసెంబ్లీ సాక్షిగా ప్రకటించారు.
మెరుగైన బిల్లు అంటే ఏంటి.? రాష్ట్రానికి మూడు కాకపోతే, ముప్ఫయ్ మూడు రాజధానులు పెట్టుకోవచ్చు. కానీ, మొదటి అడుగు అంటూ పడాలి కదా.? అదీ మొదటి రాజదానితో మొదలవ్వాలి కదా.? ఆ మొదటి రాజధాని అమరావతి అయినప్పుడు, అక్కడ అభివృద్ధి కార్యక్రమాలు ప్రారంభించకుండా మూడు రాజధానులెలా సాధ్యం.?
అమరావతిని స్మశానమన్నారు, ఎడారి అన్నారు.. దాన్నే శాసన రాజధాని అంటున్నారు. ఇక్కడే అధికార పార్టీకి.. అందునా వైఎస్ జగన్ ప్రభుత్వానికి స్పష్టత లేదు. ఎడారి అలియాస్ స్మశానం అనబడే అమరావతిలో శాసన రాజధాని అనడంతోనే వైఎస్ జగన్ ప్రభుత్వం తన డొల్లతనాన్ని బయటపెట్టుకుంటోంది.
తాజాగా మంత్రి బాలినేని శ్రీనివాస్ రెడ్డి, మూడు రాజధానుల కోసం కొత్త బిల్లుని మార్చిలో బడ్జెట్ సమావేశాల సందర్భంగా ప్రవేశపెడతామని చెప్పారు. బిల్లు పెట్టొచ్చుగాక.. చట్టం చేయొచ్చుగాక.. కానీ, అది న్యాయ సమీక్ష ముందు నిలబడుతుందా.? అన్నదే అసలు ప్రశ్న.
రాజధాని కోసం భూములిచ్చిన అమరావతి రైతులకు న్యాయం జరగకుండా రాజధానిని కదిలించే పరిస్థితి లేదు.. రాజధాని లేదా రాజధానుల పేరుతో వైసీపీ సర్కార్ ఎన్ని పబ్లిసిటీ స్టంట్లు చేసినా ఉపయోగం లేదు.
130299 852599Basically a smiling visitant here to share the adore (:, btw outstanding pattern . 18880
697872 806583I truly like your writing style, amazing details, thankyou for posting : D. 663020
209450 688516Outstanding post, I conceive weblog owners should acquire a good deal from this weblog its really user pleasant. 519845