ఆంధ్రప్రదేశ్ లోని అధికార పార్టీ వైఎస్సార్ సీపీకి వరుసగా ఎదురు దెబ్బలు తగులుతున్నాయి. ఇసుక విధానం నుంచి ఆంగ్ల మాధ్యమం వరకు.. రాజధాని దగ్గర నుంచి శాసనమండలి రద్దు వరకు ఎన్నో విమర్శలు చవిచూసింది. వాస్తవానికి అవన్నీ చాలా సాధారణ అంశాలే. కాస్త నేర్పుగా వ్యవహరించి ఉంటే ఈ పరిస్థితులు వచ్చేవి కాదు. కానీ సర్కారు అనాలోచిత ధోరణో.. లేక ప్రభుత్వానికి సరైన సలహాలు ఇచ్చేవారు లేకనో ఆయా విషయాల్లో వ్యతిరేకత చవిచూడాల్సి వచ్చింది.
సరైన ఇసుక విధానం తీసుకురాకుండానే పాత విధానాన్ని రద్దు చేయడం.. వర్షాకాలంలో వరదలు రావడంతో ఇసుక కొరత ఏర్పడి ఏపీలోని నిర్మాణ రంగం తీవ్ర ఒడుదొడుకులు ఎదుర్కొంది. వర్షాకాలం వెళ్లే వరకు ఆగి, తగినంత ఇసుక సిద్ధం చేసుకున్న తర్వాత కొత్త విధానం తీసుకొస్తే ఈ పరిస్థితి ఉత్పన్నమై ఉండేది కాదు. ప్రభుత్వ పాఠశాలల్లో ఆంగ్ల మాధ్యమం విషయంలోనూ అదే విధానం అవలంభించి, హైకోర్టు చీవాట్లు తినాల్సి వచ్చింది.
ఇక రాజధాని తరలింపు విషయంలో సర్కారు వైఖరికి వ్యతిరేకంగా అమరావతి ప్రాంతంలో 42 రోజులుగా ఆందోళనలు సాగుతూనే ఉన్నాయి. తాము రాజధానిని తరలించడంలేదని, మరో రెండు ప్రాంతాలకు విస్తరిస్తున్నామంటూ ప్రభుత్వం చెబుతున్నా.. ఆందోళనలు ఆగడంలేదు. వాస్తవానికి ఈ విషయంలో సర్కారు తెలివిగా వ్యవహరించి ఉంటే ఈ పరిస్థితి వచ్చి ఉండేది కాదనే అభిప్రాయాలు వ్యక్తమవుతున్నాయి. తాజాగా మండలి రద్దు అంశంలోనూ జగన్ ప్రభుత్వం దూకుడే ప్రదర్శించింది. తమకు అడ్డంకిగా మారిన మండలిని రద్దు చేసింది.
అయితే, జగన్ తీసుకున్న ఈ కీలక నిర్ణయాలు పూర్తిస్థాయిలో అమలు కాకపోవడం ఆ పార్టీకి ఇబ్బందిగా మారింది. ఎన్నో లోటుపాట్లు, ఇబ్బందులను అధిగమించి ఇసుక విధానం ఇప్పుడిప్పుడే గాడిన పడుతోంది. ఇక ప్రభుత్వ పాఠశాలల్లో ఆంగ్ల మాధ్యమం బిల్లు మండలిలో ఆగిపోయింది. పైగా ఈ విషయంలో ముందుకెళ్లొద్దంటూ హైకోర్టు స్పష్టంచేసింది.
ఇక రాజధాని తరలింపు వ్యవహారానికి సంబంధించిన బిల్లును మండలి సెలెక్ట్ కమిటీకి పంపించింది. అంటే ఈ ప్రక్రియ తదుపరి దశకు వెళ్లాలంటే కనీసం నాలుగు నెలల జాప్యం తప్పదు. మండలి రద్దు వ్యవహారం కూడా అంతే. శాసనసభ చేసిన తీర్మానాన్ని పార్లమెంటు ఆమోదించడానికి ఎంత కాలం పడుతుందో ఎవరూ చెప్పలేరు.
ఈ పరిస్థితులన్నీ వైసీపీ స్వయంకృతాపరాధాలే అంటున్నారు. గోటితో పరిష్కరించే సమస్యలకు ఏకంగా గొడ్డలి వాడుతోందని విమర్శలు చేస్తున్నారు. ఇలాంటి దూకుడు అన్ని విషయాల్లో, అన్ని వేళలా మంచిది కాదని హితవు పలుకుతున్నారు. ఈ నేపథ్యంలో ఇకనైనా వైసీపీ తెలివిగా వ్యవహరిస్తుందా లేక ఇదే రీతిన ముందుకెళ్తుందా అన్ని వేచి చూడాలి.
481135 4292Greetings! Quick question thats completely off topic. Do you know how to make your site mobile friendly? My weblog looks weird when viewing from my iphone. Im trying to find a template or plugin that may well be able to fix this issue. Should you have any recommendations, please share. Appreciate it! 823606
676429 158732I like your writing style truly loving this internet internet site . 322766