YS Vimala Reddy: విమలా రెడ్డి అట.! వైఎస్ విమలా రెడ్డి అట.! దివంగత వైఎస్ రాజశేఖర్ రెడ్డి సోదరి ఈమె. వైఎస్ వివేకానంద రెడ్డికి కూడా ఈమె సోదరి.! క్రైస్తవ మత ప్రార్ధనలు చేస్తుంటారట.! ఆ విషయాన్ని ఆమె స్వయంగా చెప్పుకొచ్చారు.
వైఎస్ అవినాశ్ రెడ్డి తల్లి గుండె పోటుతో కర్నూలు విశ్వభారతి ఆసుపత్రిలో చికిత్స పొందుతున్న సంగతి తెలిసిందే. ఆమెను ‘ఆదరించడానికి’ వచ్చినట్లు చెప్పారు విమలా రెడ్డి. అవినాశ్ రెడ్డి చాలా మంచోడని చెప్పారామె. అవినాశ్ రెడ్డి తండ్రి భాస్కర్ రెడ్డిని సీబీఐ అరెస్టు చేయడంతో, అవినాశ్ రెడ్డి తల్లి బెంగ పెట్టుకున్నారట.
ఉపవాస ప్రార్థనలు ఎక్కువగా చేయడంతోనే అవినాశ్ రెడ్డి తల్లికి అనారోగ్యం సంభవించిందనీ, బీపీ తక్కువగా వుందనీ, సెలైన్ ఎక్కుతోందనీ, ప్రస్తుతం మాట్లాడుతున్నారనీ, ఆమె త్వరగా కోలుకోవాలని ప్రార్థనలు చేశాననీ విమలారెడ్డి చెప్పుకొచ్చారు.
అసలు ఈ విమలారెడ్డి ఎందుకు తెరపైకొచ్చినట్లో.? మీడియాతో ఎందుకు మాట్లాడినట్లో.! ఇది కాస్త ఆశ్చర్యకరమైన విషయం. బంధువు కాబట్టి, పరామర్శ తప్పులేదు. మీడియాతో మాట్లాడటమే కాదు, అవినాశ్ రెడ్డికి క్లీన్ చిట్ ఇచ్చేశారు.
‘బంధువులెవరూ హత్య చేయలేదు, బయటివాళ్ళే హత్య చేశారు’ అని చెప్పారు విమలా రెడ్డి. మొదట ఇదే విషయాన్ని చెప్పిన సునీతా రెడ్డి, ఆ తర్వాత మాట మార్చారనీ, తనతోనూ మాట్లాడటం మానేశారనీ విమలా రెడ్డి చెప్పడం ఆశ్చర్యకరమైన విషయం.
హత్య చేసినోళ్ళు బయట స్వేచ్ఛగా తిరుగుతున్నారనీ, అమాయకులు జైళ్ళలో వున్నారనీ విమలారెడ్డి చెప్పుకొచ్చారు. అంటే, అవినాశ్ రెడ్డిని విమలా రెడ్డి ఏ కేటగిరీలో వేసినట్టో.! ఇంతకీ, విమలారెడ్డిని ఎందుకు తీసుకొచ్చారు చెప్మా.?