ప్రత్యేక హోదా విషయమై వైఎస్సార్ కాంగ్రెస్ పార్టీ అధినేత వైఎస్ జగన్ మోహన్రెడ్డి తాజాగా సంచలన వ్యాఖ్యలు చేశారు. అయితే, ఆ వ్యాఖ్యలు ప్రత్యేక హోదాపై వైఎస్సార్సీపీ ‘చేతులెత్తేసిన వైనాన్ని’ స్పష్టం చేస్తున్నాయి. ‘ప్రత్యేక హోదా వస్తుందని ఆశ.. కేంద్రంలో అధికారంలో వున్న బీజేపీకి పార్లమెంటులో పూర్తి మెజార్టీ వుంది గనుక, కేంద్రాన్ని డిమాండ్ చేసే పరిస్థితి లేదని ముఖ్యమంత్రి వైఎస్ జగన్ మోహన్రెడ్డి సెలవిచ్చారు.
‘మన పాలన – మీ సూచన’ పేరుతో గత కొద్ది రోజులుగా నిర్వహిస్తోన్న ప్రత్యేక కార్యక్రమాల్లో భాగంగా ఈ రోజు పారిశ్రామికవేత్తలతో సమావేశమైన వైఎస్ జగన్, ప్రత్యేక హోదా వచ్చి వుంటే, రాష్ట్రం పారిశ్రామికంగా మరింత అభివృద్ధి జరిగి వుండేదని అభిప్రాయపడ్డారు. మరోపక్క, పారిశ్రామికవేత్తలూ ఇదే అభిప్రాయాన్ని వ్యక్తం చేశారు.
చంద్రబాబు నాలుగేళ్ళు బీజేపీతో అంటకాగి, ప్రత్యేక హోదా అంశాన్ని అటకెక్కించారు. చివరి ఏడాదిలో మాత్రం ప్రత్యేక హోదా కోసం ఆయన ఉద్యమించేశారు. ఇదే ప్రత్యేక హోదా కోసం గతంలో వైసీపీ ఎంపీలు రాజీనామా చేసి, అప్పటి టీడీపీ ప్రభుత్వంపై ఒత్తిడి తెచ్చిన విషయం అందరికీ గుర్తుండే వుంటుంది.
అప్పుడూ, ఇప్పుడూ కేంద్రంలో బీజేపీకి సంపూర్ణ మెజార్టీ వుంది. అప్పుడెందుకు వైసీపీ ప్రత్యేక హోదా కోసం పోరాడింది.? ఇప్పుడెందుకు ‘వేచి చూస్తాం.. అంతకన్నా చేయడానికేముంది.?’ అని ఎందుకు అంటోంది.? ప్రత్యేక హోదా అంటే, కేవలం.. అది రాష్ట్ర ప్రజల్ని మభ్యపెట్టడానికే.. అన్న విషయం వైసీపీ తాజా చర్యలతో నిరూపితమవుతోంది.
గతంలో వైఎస్సార్సీపీ, రాష్ట్రంలో ప్రత్యేక హోదా కోసం బంద్లు నిర్వహించిన విషయాన్ని కూడా చూశాం. ఇదే వైఎస్ జగన్ మోహన్రెడ్డి, ప్రతిపక్ష నేత హోదాలో ఆమరణ నిరాహార దీక్షకూ దిగారు. అప్పట్లో కేంద్రాన్ని నిలదీయాల్సింది పోయి, చంద్రబాబుపై దుమ్మెత్తిపోశారు. అదంతా ప్రత్యేక హోదా మీద ప్రేమ కాదు, చంద్రబాబు మీద రాజకీయంగా పై చేయి సాధించడం కోసమేనని రాజకీయ విశ్లేషకులు అభిప్రాయపడ్తున్నారు.
మొత్తమ్మీద, ముఖ్యమంత్రి వైఎస్ జగన్ మోహన్రెడ్డి వ్యాఖ్యలతో మరో మారు ప్రత్యేక హోదా అంశం తెరపైకొచ్చినా.. అది దాదాపుగా ఇకపై కాలగర్భంలో కలిసిపోవాల్సిన పరిస్థితి ఏర్పడింది. ఎందుకంటే, ఇంకో నాలుగేళ్ళు కేంద్రంలో బీజేపీనే అధికారంలో వుంటుంది. ఆ బీజేపీకి సంపూర్ణమైన మెజార్టీ వుంది. అప్పటిదాకా ఏదో మొహమాటానికి కేంద్రాన్ని వైసీపీ, ప్రత్యేక హోదా అడుదుతుందంతే. కేంద్రాన్ని నిలదీసే సాహసం మాత్రం ఆంధ్రప్రదేశ్లోని అధికార పక్షం చెయ్యదుగాక చెయ్యదు. ఇది క్లియర్.!
378774 260419An fascinating discussion may possibly be worth comment. I feel you ought to write on this subject, it might undoubtedly be a taboo topic but typically folks are not enough to dicuss on such topics. To a higher. Cheers 206757
859135 804568Some truly excellent articles on this internet site , thankyou for contribution. 933600