చంద్రబాబు నాయుడుకు వైకాపా ప్రభుత్వం చుక్కలు చూపిస్తోంది. బాబును ఎలాగైనా జైలుకు పంపాలి అని కంకణం కట్టుకున్నట్టుగా కనిపిస్తోంది. చట్టపరంగా ఉన్న అన్ని అవకాశాలను ప్రభుత్వం వినియోగించుకుంటూ బాబుపై విచారణకు ఆదేశించింది. రీసెంట్ గా సిట్ ను ఏర్పాటు చేసింది. సిట్ అంటే మాములుగా విచారణ చేసి రిపోర్ట్ ఇస్తుంది. కానీ, ఈ సిట్ అలా కాదు, దీనికి జగన్ ప్రభుత్వం అన్ని అధికారాలు అందించారు. విశేషాధికారాలు కల్పిస్తూ జీవోను కూడా రిలీజ్ చేశారు.
కొన్ని కీలక నిర్ణయాలు అర్ధరాత్రి సమయంలోనే తీసుకుంటారు అనడానికి ఇదొక ఉదాహరణ. రాత్రికి రాత్రి సిట్ కు విశేషాధికారాలు కల్పిస్తూ ప్రభుత్వం నిర్ణయం తీసుకోవడం పాటుగా జీవోను, నోటిఫికేషన్ ను జారీ చేసింది. సీఆర్ఫీసి సెక్షన్ 2 లో మార్పులు చేసి సిట్ కు విశేషాధికారాలు ఇచ్చింది. ఇంతకు ముందు సిట్ కోసం ఓ పోలీస్ స్టేషన్ ను ఏర్పాటు చేయాలనీ అనుకున్నారు.
కానీ, ఇప్పుడు సిట్ ను ఏకంగా ఒక పోలీస్ స్టేషన్ గా మార్చేశారు. అంటే సిట్ సిబ్బంది ఎక్కడ ఉంటె అదే పోలీస్ స్టేషన్ అక్కడి నుంచే అన్ని విచారణ చెయ్యొచ్చు. అక్కడి నుంచే ప్రతి ఒక్కటి నమోదు చేసుకోవచ్చు. అవసరమైన అరెస్ట్ కూడా చెయ్యొచ్చు. పోలీసులకు ఇలాంటి అధికారాలు ఇస్తే అంతకంటే కావాల్సింది ఏముంటుంది.
సిట్ కు విశేషాధికారాలు కల్పించడంతో తెలుగుదేశం పార్టీలో కొంత కలవరం మొదలైంది. ఒకవేళ బాబు నిజంగానే తప్పులు చేసి ఉంటె జైలుకు వెళ్లక తప్పనిసరి పరిస్థితి. బాబుతో పాటుగా అయన మంత్రివర్గంలోని కొందరు వ్యక్తులు కూడా ఈ అవినీతిలో భాగం ఉండే ఉంటుంది. ఈ సిట్ విచారణ ఎలా మొదలు పెడుతుందో ఎంతమందిని అరెస్ట్ చేస్తుందో చూడాలి.
113634 122887Thanks for providing such a great post, it was excellent and quite informative. It is my 1st time that I check out here. I identified a great deal of informative stuff in your article. Keep it up. Thank you. 185703