జగనన్న కానుక.. జగనన్న దీవెన.. జగనన్న అదీ.. జగనన్న ఇదీ.. ఆంధ్రప్రదేశ్ రాష్ట్రంలో పథకాలన్నిటికీ వైఎస్ జగన్ మోహన్ రెడ్డి పేర్లే. జగన్ పేరు లేకపోతే, వైఎస్సార్ పేరు వుంటోంది ఆయా సంక్షేమ పథకాలకి. ఇంతకీ, ఈ సంక్షేమ పథకాల అమలు కోసం ప్రభుత్వం చేస్తున్న అప్పుల్ని తీర్చేదెవరు.? వాటికి వడ్డీ కట్టేదెవరు.? ఇంకెవరు కడతారు, ప్రజలే కడతారు.. కట్టి తీరాల్సిందే. రాష్ట్రాన్ని అమ్మేసి అయినా, అప్పులు.. వడ్డీలు భవిష్యత్తులో తీర్చాల్సి వస్తుంది. ఇందులో ఇంకో మాటకు తావు లేదు.
వైఎస్ జగన్ మాత్రమే కాదు, అంతకు ముందు చంద్రబాబు కూడా ఇదే చేశారు. అప్పట్లో చంద్రబాబు అప్పులు చేస్తోంటే, ప్రపంచ బ్యాంకు జీతగాడంటూ ఆయన మీద విమర్శలొచ్చాయి. ఆ తర్వాత, అంతకు మించిన స్థాయిలో అప్పులు చేసే రాజకీయ నాయకులు వచ్చారు.. వస్తూనే వున్నారు. ఎవరైతే సంక్షేమ పథకాలకు తమ పేర్లు, తమ కుటుంబ సభ్యుల పేర్లు పెట్టుకుంటున్నారో.. వాళ్ళే, సంక్షేమ పథకాల కోసం చేసిన అప్పుల్ని తీర్చేలా చట్టాలు రూపొందిస్తే, ప్రజలకు కాస్తయినా ఈ అప్పుల బాధ తగ్గుతుంది. ‘ప్రభుత్వాలు ఖర్చు చేసేది ప్రజల కోసమే కదా.. మరి, అప్పు తీర్చాల్సింది ప్రజలే కదా..’ అని రాజకీయ నాయకులు తెలివిగా చెబుతుంటారు.
ఔనా, అలాగైతే ఆయా పథకాలకు సొంత పేర్లెందుకు పెట్టాలి.? మహనీయుల పేర్లెందుకు పెట్టకూడదు.? విభజనతో తీవ్రంగా నష్టపోయిన ఆంధ్రప్రదేశ్ మాత్రమే కాదు, ధనిక రాష్ట్రం తెలంగాణ కూడా అప్పుల పరంగా సరికొత్త రికార్డుల్నే సృష్టిస్తోంది. అయితే, తెలంగాణకి ఆదాయ వనరులు చాలానే వున్నాయి. అందులో హైద్రాబాద్ కూడా ఒకటి.
అభివృద్ధి ఫలాల ద్వారా తెలంగాణకు ఆదాయం వస్తుంది గనుక, రికార్డు స్థాయిలో అప్పులు జరిగినా, అవి తీరే దారి వుంది. కానీ, ఆంధ్రప్రదేశ్ పరిస్థితి అది కాదు. ఆంధ్రప్రదేశ్ రాష్ట్రంలో రాజకీయ నాయకులు కోట్లకు పడగలెత్తుతున్నారు.. రాజకీయ నాయకుల్లో ఎవరూ పేదోళ్ళు లేరు. కానీ, ప్రజలే నానాటికీ అప్పుల్లో కూరుకుపోతున్నారు. రికార్డు స్థాయిలో సలహాదారులు.. వాళ్ళలో మెజార్టీ ఒకే సామాజిక వర్గానికి చెందినవారు.. వెరసి, రాష్ట్ర ఖజానా అయినవారికి పప్పూ బెల్లం తరహాలో పంచుకుంటూ పోతున్నారు. పబ్లిసిటీ అధికార పార్టీలది.. అప్పుల పాపాలేమో ప్రజలవి. దీన్ని పరిపాలన అనాలా.? ఇంకేమన్నా అనాలా.?
538285 579369Hey mate, .This was an excellent post for such a hard topic to talk about. I look forward to seeing many a lot more outstanding posts like this one. Thanks 36227
618589 516244Wholesale Inexpensive Handbags Will you be ok merely repost this on my web site? Ive to allow credit exactly where it can be due. Have got a terrific day! 155552
953452 371299Awesome post , Im going to spend a lot more time researching this topic 999798
849146 920116I like this web site quite considerably, Its a rattling nice place to read and get info . 262950