టీడీపీ వర్గీయులు జగన్ ప్రభుత్వంపై తీవ్ర ఆరోపణలు చేశారు. వెంకటేష్ నాయుడు దగ్గర పట్టుబడ్డ డబ్బు విషయంలో వైసీపీ పూర్తిగా మౌనం పాటిస్తోందని వారు విమర్శించారు. బదులుగా ఆయన ఇతర పార్టీల నేతలతో ఉన్న ఫోటోలు చూపిస్తూ ప్రజలను తప్పుదారి పట్టించడానికి ప్రయత్నిస్తున్నారని ఆరోపించారు. అంతేకాకుండా, వైసీపీ క్యాష్ డెన్లో పట్టుబడ్డ రూ.11 కోట్ల డబ్బు విషయంలో ఇప్పటి వరకు ఎలాంటి వివరణ ఇవ్వలేదని వారు పేర్కొన్నారు.
టీడీపీ నేతల మాటల్లో, ఇది వైసీపీ పాత పద్ధతేనని స్పష్టం చేశారు. వైఎస్ వివేకానంద రెడ్డి హత్యకేసులో కూడా ఇలాగే దారి మళ్లింపు రాజకీయాలు చేసినప్పటికీ చివరికి నిజం బయటపడిందని, వివేకా కుటుంబ సభ్యులే వాస్తవాలను వెల్లడించారని గుర్తుచేశారు.
అదే విధంగా, జగన్ మద్యం కుంభకోణం విషయంలో కూడా నిజం దాచలేరని టీడీపీ నేతలు నమ్మకం వ్యక్తం చేస్తున్నారు. ఎన్ని ప్రయత్నాలు చేసినా వాస్తవాలు బయటపడతాయని వారు స్పష్టం చేస్తున్నారు.
వారి ఆరోపణల ప్రకారం, జగన్ పాలనలో నకిలీ మద్యం వల్ల అనేక మంది ప్రాణాలు కోల్పోయారు. అనేకమంది ఆరోగ్య సమస్యలు ఎదుర్కొన్నారు. కాలేయం, కిడ్నీ వ్యాధులు పెరిగినట్టు గణాంకాలు చెబుతున్నాయి. మద్యం విక్రయాలు పూర్తిగా నగదుతోనే జరిగాయని, గుర్తు తెలియని కొత్త బ్రాండ్లకు అనుచిత ప్రయోజనాలు కల్పించారని వారు ఆరోపిస్తున్నారు. చెవిరెడ్డి, మిథున్ రెడ్డి వంటి వైసీపీ నేతలకు డబ్బు లింకులు ఉన్నాయనే ఆధారాలు కూడా ఉన్నాయని వారు పేర్కొన్నారు.
అంతేకాకుండా, వైసీపీ క్యాష్ డెన్లలో డబ్బులు పట్టుబడటం, మద్యం కుంభకోణానికి సంబంధించి కొందరు దుబాయ్లో దాక్కోవడం, పారిపోవడానికి ప్రయత్నించినవారు ఎయిర్పోర్టుల్లో పట్టుబడటం— ఇవన్నీ నిజాలేనని టీడీపీ నేతలు స్పష్టం చేస్తున్నారు.
వారి మాటల్లో – “ఎంత దారి మళ్లించినా నిజం బయటపడక మానదు. జగన్ ఈ మద్యం కుంభకోణం నుంచి తప్పించుకోలేడు.”