కరోనా టెస్టుల్లో నెగెటివ్ వచ్చినవారిని అంబులెన్సుల్లో కోవిడ్ ఆసుపత్రికి తరలించి వైద్య చికిత్స అందిస్తారట. సాక్షాత్తూ ముఖ్యమంత్రి ఇలాంటి వ్యాఖ్యలు చేస్తే, దేశమంతా ఆంధ్రప్రదేశ్ వైపు ఎందుకు చూడకుండా వుంటుంది.? ‘కరోనా వైరస్ మరీ అంత ప్రమాదకరమైనదేమీ కాదు.. పారాసిటమాల్ వేస్తే తగ్గిపోతుంది.. బ్లీచింగ్ పౌడర్ చల్లితే వైరస్ చనిపోతుంది.. దిస్ ఈజ్ గోయింగ్ టు బి నిరంతర ప్రక్రియ.. కరోనా వైరస్ అంటే చిన్న పాటి జ్వరం మాత్రమే..’ అంటూ ‘జ్ఞాన’ గుళికల్ని ముఖ్యమంత్రి వదులుతోంటే, రాష్ట్ర ప్రజానీకం నవ్వాలో ఏడవాలో తెలియక ‘జుట్టు’ పీక్కోవాల్సి వస్తోంది.
ఉన్నత స్థాయిలో వున్న వ్యక్తులు, పైగా ముఖ్యమంత్రి లాంటి వ్యక్తి ఏదన్నా మాట మాట్లాడేటప్పుడు ఒకటికి పదిసార్లు ఆలోచించుకోవాలి. ‘మాటల్లో పొరపాట్లు దొర్లడం’ అనేది సర్వసాధారణమే అయినా, అలా మాట తూలినందుకుగాను ఇతరుల్ని అత్యంత హేయంగా వెటకారం చేసినప్పుడు, ముఖ్యమంత్రి ఇంకెంత బాధ్యతాయుతంగా వ్యవహరించాలి.? పైగా, కరోనా మహమ్మారిపై ప్రజలకు భరోసా ఇచ్చేటప్పుడు, అధికారులకు సూచనలిచ్చేటప్పుడు.. ఇంకా జాగ్రత్తగా వుండాలి. లేకపోతే, తప్పుడు సంకేతాలు వెళతాయి.
ఆంధ్రప్రదేశ్కి తెలంగాణ తరహాలో అతి పెద్ద అంతర్జాతీయ విమానాశ్రయమేమీ లేదు. కానీ, ఆంధ్రప్రదేశ్లో కరోనా పాజిటివ్ కేసుల సంఖ్య 500 దాటేసిందంటే పరిస్థితి తీవ్రతను అర్థం చేసుకోవచ్చు. ఇప్పటికే 14 మంది ప్రాణాలు కోల్పోయారక్కడ. కరోనా వైరస్ తీవ్రతను ముందే అంచనా వేసి, స్థానిక ఎన్నికల ప్రక్రియను వాయిదా వేసినందుకు ఏకంగా రాష్ట్ర ఎన్నికల కమిషనర్పై వేటు వేసిన ఘనత వైఎస్ జగన్ ప్రభుత్వానికే దక్కుతుంది. ‘ప్రజల ప్రాణాల కంటే ఎన్నికలే ముఖ్యం..’ అన్న భావనతో ముఖ్యమంత్రి, రాష్ట్ర ఎన్నికల కమిషనర్పై కులం ముద్ర వేస్తే, దేశమంతా ఆంధ్రప్రదేశ్ వైపు చూడకుండా ఎలా వుంటుంది.? తెలిసి ట్వీట్ చేస్తారో, తెలియక ట్వీట్ చేస్తారోగానీ.. వైసీపీ ఎంపీ విజయసాయిరెడ్డి వేసే ట్వీట్లు, అధికార పార్టీకే తిరిగి గట్టిగా తగిలేస్తుంటాయి.
చంద్రబాబునో, పవన్ కళ్యాణ్నో విమర్శించే క్రమంలో విజయసాయిరెడ్డి వేసే ఒక్క ట్వీట్ కాస్తా.. రివర్స్ అవడం.. వేల సంఖ్యలో ప్రభుత్వంపై జనం దుమ్మెత్తిపోసేలా చేయడం అలవాటైపోయింది.
721827 449426Oh my goodness! an excellent article dude. Thank you Even so Im experiencing difficulty with ur rss . Do not know why Cannot register for it. Could there be any person obtaining identical rss difficulty? Anybody who knows kindly respond. Thnkx 834651