‘స్వపక్షంలో వుంటూనే విపక్షంలా వ్యవహరిస్తున్నారు.. ప్రత్యర్థి పార్టీలతో కుమ్మక్కయి, సొంత పార్టీపై దుష్ప్రచారానికి దిగారు.. పార్టీ వ్యతిరేక కార్యకలాపాలకు పాల్పడుతున్నారనడానికి ఇంతకన్నా నిదర్శనం ఇంకేం కావాలి.? పార్టీలో భావ ప్రకటనా స్వేచ్చ అనేది కొంతవరకే పరిమితం.. ఆ పరిమితులు దాటితే ఎవరిపైన అయినా క్రమశిక్షణా చర్యలు తప్పవు. స్పీకర్ని కలిసి రఘురామకృష్ణరాజుపై అనర్హత వేటు వేయాలని కోరాం. స్పీకర్ సానుకూలంగా స్పందించారు..’ ఇదీ వైఎస్సార్ కాంగ్రెస్ పార్టీ ఎంపీ (రాజ్యసభ) విజయసాయిరెడ్డి, ఈ రోజు స్పీకర్ని కలిసి సొంత పార్టీ ఎంపీ రఘురామకృష్ణంరాజుపై ఫిర్యాదు చేసిన అనంతరం మీడియా ముందుకొచ్చి చెప్పిన విషయం.
విజయసాయిరెడ్డి నేతృత్వంలో వైసీపీ ఎంపీల బృందం ఈ రోజు స్పీకర్ని కలిసింది. ఇందుకోసం ప్రత్యేక విమానంలో విజయవాడ నుంచి ఢిల్లీకి వైసీపీ బృందం చేరుకున్న విషయం విదితమే. ఇంగ్లీషు మీడియం విషయంలోనూ, టీటీడీ భూముల విషయంలోనూ రఘురామకృష్ణరాజు తీరు పార్టీ నిర్ణయానికి వ్యతిరేంగా వుందన్నది వైసీపీ వాదన. ఇదిలా వుంటే, షోకాజ్ నోటీస్లో పేర్కొన్న ‘బొచ్చులో నాయకత్వం’ విషయాన్ని, విజయసాయిరెడ్డి ప్రెస్ మీట్లో కూడా ప్రస్తావించారు.
నిజానికి ఆ ‘బొచ్చులో నాయకత్వం’ అన్న మాట వైసీపీ అధినాయకత్వం మీద వాడలేదనీ, ఆ సందర్భమే వేరని ఇప్పటికే రఘురామకృష్ణరాజు వివరణ ఇచ్చారు. ఇది నిజానికి కాస్తంత జుగుప్సాకరమైన ప్రస్తావన. దాన్ని పదే పదే ప్రస్తావించకుండా వుండడమే మంచిది. కానీ, విజయసాయిరెడ్డి ఈ విషయాన్ని మీడియా సాక్షిగా నొక్కి వక్కాణించడం అంటే.. ఎక్కడో తేడా కొట్టేస్తోందని వైసీపీ శ్రేణుల్లోనే చర్చ జరుగుతోంది.
ఇక, స్పీకర్ని కలిసొచ్చిన తర్వాత వైసీపీ ఎంపీల బృందంలో పెద్దగా ‘కళ’ కన్పించలేదు. అంతా డల్ మోడ్లోనే కన్పించారు. నిజానికి, ఢిల్లీలో ఇంతకు ముందే అన్ని వ్యవహారాల్నీ రఘురామకృష్ణరాజు చక్కబెట్టేశారు. పార్టీ పేరు విషయమై కేంద్ర ఎన్నికల సంఘం నుంచి కూడా స్పష్టత తీసుకున్నారు. ఈ పేరు గురించి వైసీపీ ఎంపీల బృందం ప్రస్తావిస్తూ, ‘టీడీపీ అంటే తెలుగుదేశం పార్టీ.. బీజేపీ అంటే భారతీయ జనతా పార్టీ.. అలాగే వైఎస్సార్ కాంగ్రెస్ పార్టీ అంటే యువజన శ్రామిక రైతు కాంగ్రెస్ పార్టీ..’ అంటూ ‘కవరింగ్’ చేసుకునే ప్రయత్నం చేశారు. అందులో కొంత నిజం లేకపోలేదు.
కానీ, షోకాజ్ నోటీస్ వంటి కీలక విషయాల్లో ‘లెటర్ హెడ్’ వాడేటప్పుడు ఖచ్చితంగా ‘యువజన శ్రామిక రైతు కాంగ్రెస్ పార్టీ’ అనే మెన్షన్ చేయాలన్నది రఘురామకృష్ణంరాజు లీగల్ పాయింట్. మొత్తమ్మీద, ‘ముసుగులో గుద్దులాట’కి తెరపడింది. ఇక, ఇప్పుడు రఘురామకృష్ణంరాజు పార్టీపై చేయబోయే డైరెక్ట్ విమర్శలు ఎలా వుంటాయో వేచి చూడాల్సిందే.
401291 375397Some genuinely good stuff on this website , I it. 358487