ఆంధ్రప్రదేశ్లో పదో తరగతి పరీక్షలు వాయిదా పడ్డాయి. ఈ మేరకు మంత్రి ఆదిమూలపు సురేష్ ప్రకటించారు. నిజానికి, ఈ విషయమై నిన్న మొన్నటిదాకా పెద్ద రాద్ధాంతమే జరిగింది. తెలంగాణలో పదో తరగతి పరీక్షలు మధ్యలోనే ఆగిపోయాయి. దానికి కారణం కరోనా వైరస్ అని ప్రత్యేకంగా చెప్పాల్సిన పనిలేదు. అప్పటికే ప్రారంభమైన పరీక్షల్ని ఎలాగోలా కొనసాగించాలని తెలంగాణ ప్రభుత్వం కట్టుదిట్టమైన ఏర్పాట్లు చేసినా, హైకోర్టు జోక్యంతో పదో తరగతి పరీక్షలకు మధ్యలోనే బ్రేక్ పడింది.
ఆ విషయం గుర్తించి, ఆంధ్రప్రదేశ్ ప్రభుత్వం ముందుగానే పదో తరగతి పరీక్షల్ని వాయిదా వేసి వుండాలి. ఇటీవల ఆంధ్రప్రదేశ్ ముఖ్యమంత్రి వైఎస్ జగన్ మోహన్రెడ్డి, మీడియా ముందుకొచ్చినప్పుడు కూడా పదో తరగతి పరీక్షల రద్దు అంశం మీడియా నుంచి ప్రస్తావనకు వచ్చింది. కానీ, ముఖ్యమంత్రి వైఎస్ జగన్ సానుకూలంగా స్పందించలేదు. ‘తెలంగాణలో పరీక్షలు వాయిదా వేశారు కదా.. హైకోర్టు ఆపేయమని చెప్పింది కదా..’ అనడిగితే, ప్రభుత్వం నుంచి సరైన సమాధానమే రాలేదాయె. స్థానిక ఎన్నికల విషయంలోనూ వైఎస్ జగన్ సర్కార్, ఇదే మొండి వైఖరి ప్రదర్శిస్తే.. రాష్ట్ర ఎన్నికల కమిషనర్ నిర్ణయం తీసుకోవాల్సి వచ్చింది.
దాన్ని, రాష్ట్ర ప్రభుత్వం సుప్రీంకోర్టులో సవాల్ చేసినా, ఫలితం లేకుండా పోయింది. ఆంధ్రప్రదేశ్లో ఇప్పుడు జిల్లాల మధ్య కూడా రాకపోకలు బంద్ అయిపోయిన దరిమిలా, పదో తరగతి పరీక్షల నిర్వహణ అసాధ్యం. ఈ పరిస్థితి వస్తుందని గత కొద్ది రోజుల నుంచే ప్రచారం జరుగుతున్నా, ప్రభుత్వం మొండి వైఖరి ప్రదర్శించిందన్న చర్చ సర్వత్రా జరుగుతోంది. మొత్తమ్మీద, పదో తరగతి పరీక్షల వాయిదా ప్రకటనతో, ఇటు విద్యార్థుల్లోనూ టెన్షన్ తగ్గినట్లయ్యింది.. అటు విద్యార్థుల తల్లిదండ్రులకీ తలనొప్పి తగ్గినట్లయ్యింది.
స్థానిక ఎన్నికల కారణంగా ఇప్పటికే ఓ సారి వాయిదా పడ్డ పదో తరగతి పరీక్షలు, కరోనా వైరస్ కారణంగా మరోసారి వాయిదా పడ్డాయి. పరీక్షల కంటే ఎన్నికలే ముఖ్యమని వైఎస్ జగన్ ప్రభుత్వం భావించడం అప్పట్లో విమర్శలకు తావిచ్చింది. కరోనా కారణంగా పరీక్షలు వాయిదా పడ్డం ఆహ్వానించదగ్గ విషయమే.. పరీక్షల కంటే ప్రాణాలు ఎక్కువ కాదు కదా.!
876795 22113For anyone one of the lucky peoples, referring purchase certain products, and in addition you charm all with the envy of all of the the many any other people around you that tend to have effort as such make a difference. motor movers 773374
891677 259581Maximize your by how a large amount of gear are employed internationally and will often impart numerous memory employing that your is also fighting that can be a result from our team rrnside the twenty very first centuries. every day deal livingsocial discount baltimore washington 927298
74098 740216Soon after I initially commented I clicked the -Notify me when new feedback are added- checkbox and now each time a remark is added I get four emails with the same comment. Is there any method you will be able to take away me from that service? Thanks! 275757