పచ్చనీ కోనసీమలో ‘చిచ్చు’ ఎవరు రాజేశారంటూ రాజకీయ వర్గాల్లో చర్చ జరగడంలో వింతేమీ లేదు. ఆంధ్రప్రదేశ్ రాష్ట్రంలోని సాధారణ జన బాహుళ్యం కూడా ఈ కోనసీమ ప్రాంతం గురించి ఇప్పుడు ప్రత్యేకంగా చర్చించుకుంటోంది. అసలు కోనసీమలో చిచ్చు రాజేయాల్సిన అవసరం ఎవరికి వుంది.? అన్న దిశగా ‘రచ్చబండ’ వేదికగా చర్చోపచర్చలు జరుగుతున్నాయి.
మరోపక్క, సోషల్ మీడియాలో ఈ వ్యవహారంపై కనిపిస్తున్న అభిప్రాయాలు, రెచ్చగొట్టే ధోరణలు.. అందర్నీ విస్మయానికి గురిచేస్తున్నాయి. ‘కులగజ్జి.. పేకాట పిచ్చి.. గుండ్లాట పిచ్చి.. కోడి పందాల పిచ్చి.. భోగ మేళాలు.. అశ్లీల నృత్యాలు.. ప్రాంతం పచ్చగా వుంటే సరిపోదురా.. మనుషులు పచ్చగా వుండాలి..’ అంటూ కోనసీమ ప్రాంతంలపై ‘హైలీ రెస్పెక్టెడ్ సామాజిక వర్గానికి’ చెందిన కొందరు పెడుతున్న పోస్టింగ్స్, కోనసీమ వాసుల్ని రెచ్చగొట్టాడా.? అన్నది హాట్ టాపిక్ అయ్యింది సోషల్ మీడియాలో.
ఇంకోపక్క, ‘అధికారంలోకి రావడం కోసం కోడి కత్తి డ్రామా.. బాత్రూమ్లో బాబాయ్కి గుండెపోటు.. అధికారం కాపాడుకోవడం కోసం జిల్లాల విభజన, మహనీయుల పేర్లు అడ్డం పెట్టుకుని కుల, మత ఘర్షణలు లేపడం..’ అంటూ, ‘వైఎస్సార్సీపీ డిస్ట్రాయ్డ్ ఏపీ’ అనే హ్యాష్ట్యాగ్తో చాలా ట్వీట్లు దర్శనమిస్తున్నాయి.
అయినా, కోనసమీమకు అంబేద్కర్ పేరు పెట్టడమెందుకు.? ఆ ప్రాంత ఐడెంటిటీని దెబ్బ తీయడానికా.? కడపకు వైఎస్సర్ జిల్లా అనే పేరు పెట్టే బదులు, అంబేద్కర్ అనే పేరుని ముఖ్యమంత్రి పెట్టొచ్చు కదా.? అన్న ప్రశ్న కూడా ఉత్పన్నమవుతోంది.
‘ఇంగ్లీషు వర్సెస్ తెలుగు మీడియం.. అమరావతి వర్సెస్ మూడు రాజధానులు.. కోనసీమ వర్సెస్ అంబేద్కర్..’ వంటి వివాదాలు తీసుకురావడం ద్వారా సమాజంలో అలజడికి అధికార పక్షమే కారణమవుతోందన్నది మెజార్టీ అభిప్రాయంగా సోషల్ మీడియాలో కనిపిస్తోంది.
ప్రజలేమనుకుంటున్నారు.? అన్నది సోషల్ మీడియాలోనే ప్రతిబింబిస్తున్న దరిమిలా, ఈ వ్యవహాలపై అధికార పక్షమెలా స్పందిస్తుందో వేచి చూడాలి.
829349 905734Wow you hit it on the dot we shall submit to Plurk in addition to Squidoo effectively done انواع محركات الطائرات | هندسة نت was excellent 974162