ఇదేదో ఐడియా అదిరిపోయింది. ‘మహానటి’ వంటి గొప్ప చిత్రానికి దర్శకత్వం వహించిన నాగ్ అశ్విన్, సోషల్ మీడియా వేదికగా ఓ ఆసక్తికరమైన ట్వీటేశాడు. అది సినిమా ది¸యేటర్లలోకి ‘మద్యాన్ని’ అనుమతించడం గురించి. నిర్మాత సురేష్బాబు, నటుడు రానాతో మాట్లాడుతున్న సందర్భంలో ఈ అంశం చర్చకు వచ్చిందని ట్వీటేసిన నాగ్ అశ్విన్.. అదే జరిగితే.! అంటూ ఓ క్వశ్చన్ మార్క్ వేశాడు నెటిజన్లకి. నెటిజన్లు తమకు తోచిన అభిప్రాయాలు తెచ్చారు. నిజానికి, ఇది ఓ సినీ ప్రముఖడి ఆవేదనగా చూడాలి. నిజమే, మద్యం అమ్మకాలకు గ్రీన్ సిగ్నల్ ఇచ్చాక, మద్యం దుకాణాల వద్ద జనం బారులు తీరిన విషయాన్ని చూస్తున్నాం. కరోనా వస్తుందేమోనన్న భయం ఒక్కడికీ లేదు.
మరోపక్క, మద్యం అమ్మకాల ద్వారా వచ్చే ఆదాయం కోసం ప్రభుత్వాలు మద్యం రేట్లను అడ్డగోలుగా పెంచేశాయి. మరి, సినిమా ఏం పాపం చేసింది.? సినిమా ది¸యేటర్లు ఎందుకు మూతబడ్డాయి.? ఇది సగటు సినీ జీవి ప్రశ్న. అవును, సగటు సినీ ప్రేక్షకుడూ ఇదే ప్రశ్నను సంధిస్తున్నాడు. లాక్డౌన్ తర్వాత జనం సినిమాలకు మళ్ళీ ఇదివరకటిలా వస్తారా.? అన్న విషయమైనా భిన్నాభిప్రాయాలున్నాయి. ది¸యేటర్లకు జనాల్ని రప్పించాలంటే, ది¸యేటర్లలో మద్యానికీ అనుమతిస్తే సరి.. అన్న ఆలోచన అద్భుతమైనదే.. ఇందులో ఇంకో మాటకు తావు లేదు. మరి, ఫ్యామిలీ ఆడియన్స్ ఎలా.? ఈ అనుమానం దర్శకుడు నాగవంశీకి కూడా వచ్చింది. ముందు ముందు సినిమా ది¸యేటర్లు కూడా తెరుచుకోవచ్చు. సోషల్ డిస్టెన్సింగ్ మాత్రం తప్పనిసరి. మొహానికి మాస్కులేసుకోవాల్సిందే. శానిటైజర్లు వాడాల్సిందే. అయితే, అది సినిమా ది¸యేటర్లలో కుదురుతుందా.? అన్నది మిలియన్ డాలర్ల ప్రశ్న.
సినిమా థియేటర్లలోనే కాదు, అన్ని చోట్లా.. అది అన్ని వేళలా సాధ్యం కాకపోవచ్చు. నిబంధనలు విధించస్తారు.. వాటికి జరీమానాలూ ఖరారు చేస్తారు. పాటించడానికి వీల్లేని నిబంధనలతో ఉల్లంఘనలు పెరుగుతాయి. మళ్ళీ ప్రభుత్వానికి ఆ జరీమానాల ద్వారా బోల్డంత ఆదాయం. ఎటు తిరిగినా మళ్ళీ సామాన్యుడి జేబుకే చిల్లు అన్న మాట. ఇంతకీ, సినిమా ది¸యేటర్లు ఎప్పుడు తెరుచుకుంటాయ్.? ఇది మాత్రం ప్రస్తుతానికి మిలియన్ డాలర్ల ప్రశ్నే. అన్నట్టు, ది¸యేటర్లలో మద్యానికి అనుమతిస్తే, అన్ని ది¸యేటర్లూ.. అన్ని షోలూ హౌస్ ‘ఫుల్’ అయిపోవడం ఖాయం.. అందులో ఎలాంటి చెత్త సినిమా ఆడుతున్నాసరే.
197191 306136I completely agree with you about this matter. Good post. Already bookmarked for future reference. 394387