బిగ్ బాస్ తెలుగు రియాల్టీ షో ఆరో సీజన్ చాలా చాలా చప్పగా సాగుతోంది. కంటెస్టెంట్లెవరూ పెద్దగా బిగ్ బాస్ ఫినాలే మీద ఆసక్తితో వున్నట్లు లేరు. టాప్ ఫైవ్లో వుండాలని కూడా ఎవరూ కోరుకుంటున్నట్లు కనిపించకపోవడం అందరికీ అర్థమవుతోంది.
పదే పదే బిగ్ బాస్ హోస్ట్ నాగార్జున మాత్రం, ‘వేస్ట్..’ అంటూ ఎలా చిరాకుపడగలడు.? ఇచ్చిన స్క్రిప్ట్ మేరకు నాగార్జున తన పని తాను చేసుకుపోతున్నాడు. బిగ్ బాస్ నిర్వాహకులు కూడా కొత్త టాస్క్లు ఏమీ డిజైన్ చేయలేక, పాత టాస్కులకే చిన్నపాటి మార్పులు చేర్పులు చేసేసి ‘మమ’ అనిపించేస్తున్నారు.
ఈ సీజన్లో వర్కవుట్ అవుతుందనుకున్న జంట మరీనా – రోహిత్. మెరీనా అనాలా.? మరీనా అనాలా.? నాగార్జున ఏదో అంటాడు, జనానికి ఏదో అర్థమవుతుంది. పేరులో ఏముంది లెండి.. ఆ జంట బిగ్ బాస్ హౌస్లో శుద్ధ దండగ.
వరుణ్ సందేశ్ – వితిక గతంలో హౌస్లో వున్నారంటే, ఆ ఇద్దరి కథా వేరు. బోల్డంత సందడి వుండేది. ఆ సందడితో పోల్చితే, మెరీనా – రోహిత్ మధ్య జరుగుతున్నది జస్ట్ జీరో. ఈ జంటని వున్నపళంగా బయటకు పంపేసి, బయట నుంచి ఏదన్నా ఒంటరి పక్షిని హౌస్లోకి తీసుకొస్తే బెటర్.. అని బిగ్ బాస్కి నెటిజన్లు సలహాలిస్తున్నారు.
బిగ్ హౌస్లో ఒంటరి పక్షిలా వున్న శ్రీహాన్కి తోడు.. అదేనండీ ఆడ పక్షి.. హౌస్ వెలుపల వుంది. ఆమె ఎవరో కాదు సిరి. బిగ్ బాస్ నాన్ స్టాప్ కంటే ముందు సీజన్లో ఆమె కూడా ఓ కంటెస్టెంట్. హౌస్లో వున్నన్ని రోజులూ మరో కంటెస్టెంట్ షణ్ముఖ్తో కథ బాగానే నడిపింది.. బిగ్ బాస్ కనుసన్నల్లో.
ఆ కారణంగా షన్ముఖ్ రియల్ లైఫ్ లవర్ని కోల్పోయాడు.. ఆమె ఎవరో కాదు దీప్తి సునైన. శ్రీహాన్, సిరి మాత్రం బాగానే వున్నారు. ఆ ఇద్దరినీ.. అంటే, సిరిని హౌస్లోకి తీసుకొచ్చి, శ్రీహాన్తో కలిపితే ఎలా వుంటుంది.? అన్న కోణంలో సోషల్ మీడియా వేదికగా చర్చోపచర్చలు జరుగుతున్నాయి.
ఈ విషయం బిగ్ బాస్ నిర్వాహకుల దృష్టికి వెళ్ళడం, ఆ టీమ్ సిరిని సంప్రదించడం జరిగాయట. సిరి మాత్రం సింపుల్గా ‘సారీ’ చెప్పేసిందట. గతంలో జరిగిన డ్యామేజీ చాలు.. కొత్తగా ఎలాంటి డ్యామేజీ వద్దని సిరి తేల్చి చెప్పిందని అంటున్నారు. ఈ గాసిప్ నిజమైతే, బిగ్ బాస్కి ఇంతకన్నా అవమానం ఇంకేముంటుంది.?
68746 801334Aw, this was a genuinely good post. In concept I wish to put in writing like this furthermore ?taking time and actual effort to make an exceptional post?however what can I say?I procrastinate alot and by no means seem to get something done. 504643
868897 682322Yay google is my world beater assisted me to discover this great web internet site ! . 258157