వావ్‌.. అలా జరిగితే ఏపీకి ప్రత్యేక హోద వస్తుందట

ఆంధ్రప్రదేశ్ రాష్ట్రానికి ప్రత్యేక హోదా వచ్చి తీరుతుంది అంటూ కాంగ్రెస్ పార్టీ ఏపీ అధ్యక్షుడు గిడుగు రుద్రరాజు తెలియజేశాడు. ప్రస్తుత ప్రభుత్వాలు ఏపీ యొక్క ప్రత్యేక హోదాను మర్చి పోయాయి అంటూ ఆయన ఆవేదన వ్యక్తం చేశారు.

వచ్చే సార్వత్రిక ఎన్నికల్లో కేంద్రంలో కాంగ్రెస్ పార్టీ అధికారంలోకి వచ్చి తీరుతుందని, రాహుల్ గాంధీ ప్రధాని అయితే ఏపీకి ప్రత్యేక హోదా వస్తుందని ఆయన అన్నారు. రాహుల్ గాంధీ ప్రధాని అయిన వెంటనే ఆయన పెట్టే తొలి సంతకం ఏపీకి ప్రత్యేక హోదా ఫైల్ మీదనేనని రుద్రరాజు అన్నారు.

చెయ్యి చెయ్యి కలుపుదాం.. రాహుల్ గాంధీని బలపరచుదాం కార్యక్రమంలో భాగంగా విజయనగరం జిల్లాలో ఏపీ పీసీసీ అధ్యక్షుడు పాల్గొన్నారు. కేంద్ర, రాష్ట్ర ప్రభుత్వాల పై ఆయన తీవ్ర విమర్శలు చేశారు. రాబోయే ఎన్నికల్లో ప్రజలు మార్పులు కోరుకుంటున్నారని.. కచ్చితంగా కొత్త ప్రభుత్వంలో వస్తాయని ఆయన ధీమా వ్యక్తం చేశారు.