తమిళనాడు రాజకీయాల్లో కొత్త అధ్యాయానికి శ్రీకారం చుట్టిన విజయ్ సీఎం ప్రమాణ స్వీకారం ఇప్పుడు దేశవ్యాప్తంగా చర్చనీయాంశంగా మారింది. చెన్నై నెహ్రూ స్టేడియంలో జరిగిన ఈ భారీ కార్యక్రమానికి సినీ, రాజకీయ ప్రముఖులు హాజరైనా, సోషల్ మీడియాలో మాత్రం ఎక్కువగా చర్చకు వచ్చిన పేరు త్రిషదే కావడం విశేషం. కార్యక్రమంలో ఆమె కనిపించిన ప్రతి క్షణం అభిమానుల దృష్టిని ఆకర్షించింది. దీంతో “ఈ వేడుకలో అసలు ప్రధాన ఆకర్షణ త్రిషే” అంటూ సోషల్ మీడియాలో అనేక పోస్టులు వైరల్ అవుతున్నాయి.
విజయ్ రాజకీయాల్లోకి వచ్చిన తర్వాత ఆయన వ్యక్తిగత జీవితం గురించీ, సన్నిహిత సంబంధాల గురించీ ఎన్నో ప్రచారాలు జరిగాయి. ముఖ్యంగా త్రిషతో ఆయన స్నేహంపై సోషల్ మీడియాలో పెద్ద ఎత్తున చర్చలు జరిగాయి. విమర్శలు, ట్రోల్స్, వ్యక్తిగత కామెంట్లు వచ్చినప్పటికీ ఇద్దరూ ఎప్పుడూ వాటిపై బహిరంగంగా స్పందించలేదు. అదే ఇప్పుడు అభిమానుల్లో మరోసారి చర్చకు దారితీసింది.
సోషల్ మీడియాలో వైరల్ అవుతున్న పోస్టుల ప్రకారం, విజయ్ రాజకీయ ప్రయాణంలో ఒత్తిడులు పెరిగిన సమయంలో కూడా త్రిష ఆయనకు మానసికంగా అండగా నిలిచిందని అభిమానులు చెబుతున్నారు. ప్రజల విమర్శలు, ట్రోల్స్, గాసిప్స్ వచ్చినా ఇద్దరూ వాటిని పెద్దగా పట్టించుకోలేదని వ్యాఖ్యలు వినిపిస్తున్నాయి. “సక్సెస్ ఉన్నప్పుడు మాత్రమే సమాజం గౌరవిస్తుంది. ఓడిపోయి ఉంటే ఇదే జనాలు పూర్తిగా విమర్శించేవారు” అంటూ నెటిజన్లు కామెంట్లు చేస్తున్నారు.
ఇప్పుడు విజయ్ సీఎం కావడంతో పరిస్థితి పూర్తిగా మారిపోయిందని సోషల్ మీడియాలో చర్చ జరుగుతోంది. ఒకప్పుడు విమర్శించిన వారే ఇప్పుడు త్రిషను పాజిటివ్గా చూస్తున్నారని అభిమానులు పోస్టులు పెడుతున్నారు. విజయ్ విజయం వెనుక ఆయన కుటుంబంతో పాటు, కష్టకాలంలో పక్కన నిలిచిన సన్నిహితుల పాత్ర కూడా ఉందని వారు చెబుతున్నారు.
ముఖ్యంగా ప్రమాణ స్వీకార కార్యక్రమంలో త్రిష హాజరు కావడం, ఆమెపై కెమెరాలు ఎక్కువసేపు ఫోకస్ అవడం, అభిమానులు సోషల్ మీడియాలో ఆమె ఫోటోలు, వీడియోలు వైరల్ చేయడం ఇప్పుడు హాట్ టాపిక్గా మారింది. దీంతో తమిళ రాజకీయాల్లో విజయ్ కొత్త ప్రయాణంతో పాటు, త్రిష పేరు కూడా మరోసారి ట్రెండింగ్లోకి వచ్చింది.