మాస్ రాజా .. ఎప్పుడు వివాదాల జోలికి వేళ్ళని హీరో. తన గురించి ఎవరేమి అనుకున్నా .. ఎవరెన్ని రాతలు రాసినా నవ్వుతు పోయే వ్యక్తి రవితేజ. ఏ విషయం ఉన్నా కూడా దానిగురించి పెద్దగా రియాక్ట్ అవ్వకుండా తన పని ఎదో తాను చూసుకుంటూ పోయే స్టార్ రవితేజ. అయితే ఈ మద్యే ఆర్ ఎక్స్ 100 దర్శకుడు అజయ్ భూపతి రవితేజను ఉద్దేశిస్తూ .. చీప్ స్టార్ అంటూ కామెంట్ చేసాడు. ఆ కామెంట్ ఈ మధ్య పెద్ద దుమారమే రేపింది. ఈ విషయం గురించి రవితేజ ఎప్పుడు స్పందించలేదు.
అసలు ఎందుకు ఆ దర్శకుడు రవితేజను అలా అన్నాడు అన్న ఆసక్తికర న్యూస్ మీడియాలో వైరల్ గా మారింది. ఆర్ ఎక్స్ 100 సక్సెస్ తో మంచి క్రేజ్ తెచ్చుకున్న దర్శకుడు అజయ్ భూపతి తన నెక్స్ట్ సినిమా మహా సముద్రం కోసం రవితేజతో చర్చలు జరిపాడు. అయితే ఈ సినిమా విషయంలో రవితేజ రెమ్యూనరేషన్ ఎక్కువ డిమాండ్ చేయడం వల్లే సినిమా క్యాన్సిల్ అయిందంటూ ప్రచారం జరిగింది. కానీ అక్కడ జరిగింది మరొకటని తెలిసింది.
అజయ్ భూపతి తన మహా సముద్రం కథను రవితేజ కు చెప్పాడట .. కథ నచ్చింది కాని సెకండ్ హాఫ్ రాసుకున్న విధానం మాస్ రాజా కు నచ్చలేదట. దాంతో అందులో కొన్ని మార్పులు చేయమని చెప్పాడట. అయితే ఈ కథను ఎంతగానో నమ్ముకున్న దర్శకుడు మాత్రం నేను మార్చలేను .. అనేసాడట .. దాంతో అలా అయితే ఈ సినిమా చేయలేనని చెప్పాడట రవితేజ.
జనరల్ గా హీరోలు తనకు చెప్పిన కథ విషయంలో సలహాలు, మార్పులు చెప్పడం అన్నది కామన్ పాయింట్ .. కానీ ఈ దర్శకుడు దానికి ఒప్పుకోకపోవడంతో రవితేజ నో చెప్పాడట. దాంతో ఇద్దరి మధ్య ఈగో సమస్యలు వచ్చి ప్రాజెక్ట్ ఆగిపోయింది. అందుకే ఈ దర్శకుడు రవితేజ ను కావాలని టార్గెట్ చేసి చీప్ స్టార్ అంటూ కామెంట్స్ చేసాడు. అది అసలు విషయం !!