‘అమరావతి రైతులకు అన్యాయం జరుగుతోంటే చూస్తూ ఊరుకునేది లేదు.. మా కార్యకర్తల్ని వేధిస్తే సహించేది లేదు.. నేను రంగంలోకి దిగేవరకే.. రంగంలోకి దిగానంటే.. దబిడి దిబిడే..’ అన్న తరహాలో అప్పుడప్పుడూ పొలిటికల్ స్టేట్మెంట్లు దంచేసే టీడీపీ ఎమ్మెల్యే నందమూరి బాలకృష్ణ ఆచూకీ రాజకీయ తెరపై ఈ మధ్య పెద్దగా కన్పించడంలేదు. మూడు రాజధానుల అంశంపై వైఎస్ జగన్ ప్రభుత్వం అత్యంత కీలకమైన ముందడుగు వేసిన దరిమిలా, టీడీపీ శ్రేణులు.. జనసేన పార్టీని టార్గెట్గా చేసుకున్నాయి. పవన్ కళ్యాణ్ మీద దుమ్మెత్తి పోస్తున్నాయి. పవన్ కళ్యాణ్ నిజానికి ప్రజా ప్రతినిది కాదు. అమరావతి విషయంలో పేటెంట్ హక్కులు తీసుకున్నది టీడీపీనే. తమ వైఫల్యాల్ని కప్పిపుచ్చుకునేందుకు పవన్ కళ్యాణ్ని వివాదంలోకి లాగుతోంది టీడీపీ.
గతంలో ఉమ్మడి తెలుగు రాష్ట్రం విభజన విషయంలో ఎలాగైతే చిరంజీవి మీద టీడీపీ బురద జల్లిందో.. ఇప్పుడే అదే స్థాయిలో.. ఆ మాటకొస్తే అంతకు మించిన స్థాయిలో జనసేనాని మీద విషం చిమ్ముతోంది పచ్చదండు. పవన్ కళ్యాణ్ని ప్రశ్నించడం కాదు.. చేతనైతే, టీడీపీ ఎమ్మెల్యే బాలకృష్ణని తెలుగు తమ్ముళ్ళు నిలదీయాలి. పార్టీ పగ్గాల్నే చేపట్టి అమరావతిపై పోరాటం చేస్తారో.. లేదంటే, ఎమ్మెల్యే హోదాలోనే రైతుల పక్షాన నిలబడి నినదిస్తారో.. ఏదైనా చేయొచ్చుగాక.. కానీ, ఇప్పుడు బాలయ్య స్పందించాలి.. స్పందించి తీరాలి.
బాలయ్య పేరుకే టీడీపీ ఎమ్మెల్యే.. ఆయన ఏనాడూ టీడీపీ తరఫున రాజకీయ నిరసనల్లో గట్టిగా తన వాయిస్ని వినిపించింది లేదు. అంతెందుకు, ఆయన తన సొంత నియోజకవర్గం హిందూపురం ప్రజలకే అందుబాటులో వుండరన్న విమర్శలున్నాయి. సినీ పరిశ్రమలో సమస్యలపైన ప్రశ్నించాల్సి వస్తే.. అనవసర రాజకీయాల ప్రస్తావన తీసుకురావడం బాలయ్యకి అలవాటే. ఇఫ్పుడు తన పార్టీ.. తన రాష్ట్రం.. రెండూ సంక్షోభాన్ని ఎదుర్కొంటున్నాయి. ఈ పరిస్థితుల్లో తన బాలయ్య ‘సత్తా’ చూపగలరా.? ఏమోగానీ, తెలుగు తమ్ముళ్ళు మాత్రం ‘బాలయ్యా.. రావయ్యా..’ అంటూ దీనంగా సోషల్ మీడియాలో వేడుకుంటున్నారు.
615698 39460I gotta bookmark this internet site it seems extremely valuable . 271234
929084 90316Youre so cool! I dont suppose Ive learn anything like this before. So nice to uncover any person with some authentic thoughts on this topic. realy thank you for starting this up. this site is something that is wanted on the internet, someone with just a little bit originality. beneficial job for bringing something new to the web! 407100