కరోనా వైరస్కి చిన్నా పెద్దా అన్న తేడా లేదు. ప్రపంచమంతా చుట్టేసింది. చిన్న దేశాల్నీ, పెద్ద దేశాల్నీ సమానంగా వణికించేస్తోంది. పేదోడ్నీ, పెద్దోడ్నీ ఒకేలా ట్రీట్ చేస్తోంది. అగ్ర రాజ్యం అమెరికా పరిస్థితి మరీ దారుణంగా వణికించేస్తోంది కరోనా వైరస్. ‘ప్రపంచ పోలీస్’గా చెప్పుకునే అమెరికా, పైకి చెప్పలేకపోతున్నా.. చాలా తీవ్రమైన బాధని అనుభవిస్తోంది కరోనా వైరస్ ఎఫెక్ట్తో. ఇప్పటికే అక్కడ కరోనా పాజిటివ్ కేసుల సంఖ్య లక్ష దాటేసింది. మరణాల సంఖ్య క్రమక్రమంగా పెరిగిపోతోంది. ”
కేసుల తీవ్రత పరంగా చూసుకుంటే, ప్రపంచంలోనే నెంబర్ వన్ పొజిషన్కి అమెరికా చేరిపోయింది. ఓ అంచనా ప్రకారం, ప్రపంచంలోనే అత్యంత ఎక్కువ కరోనా మరణాలు సంభవించే దేశంగా అమెరికా రికార్డులకెక్కబోతోందట. ఇది నిజంగానే భయాందోళనలు కలిగించే విషయం.
అమెరికా అంటే, అక్కడ ప్రపంచంలో అన్ని దేశాలకు చెందినవారూ వున్నారు. అలా, తమ వారి బాగోగులపై ప్రపంచంలోని అన్ని దేశాలకు చెందినవారూ ఆందోళన చెందాల్సి వస్తోంది. ‘అసలు అమెరికాకి కరోనాతో వచ్చిన ముప్పేమీ లేదు.. అమెరికాని చూసి కరోనా అయినా బెంబేలెత్తి పారిపోవాల్సిందే..’ అని గతంలో అమెరికా అధ్యక్షుడు డోనాల్డ్ ట్రంప్ వెటకారం చేశారు. గతంలో.. అంటే ఏళ్ళ క్రితం కాదు, కొద్ది రోజుల క్రితం. కేవలం రోజుల వ్యవధిలోనే అమెరికాని చుట్టుముట్టేసింది కరోనా వైరస్. వేల సంఖ్యలో వున్న మరణాలు, ముందు ముందు లక్షలకు చేరుకోవచ్చని అంచనా వేస్తున్నారు అమెరికాకి సంబంధించి.
మరోపక్క, అమెరికా ఆర్థిక వ్యవస్థపై ఈ కరోనా వైరస్ పెను ప్రభావం చూపబోతోందట. ‘అబ్బే, మరీ అంత ప్రమాదమేమీ లేదు..’ అని ఇంకా ట్రంప్ సర్కార్ బుకాయిస్తూనే వుంది. ట్రంప్ అహంకారమే ఈ అనర్ధానికి కారణమన్న చర్చ అమెరికన్లలో జోరుగా సాగుతోంది. రాత్రికి రాత్రి లక్షల్లో వెంటిలేటర్లు కావాలని ఆర్డర్లు పాస్ చేయడం వరకూ బాగానే వున్నా, అవన్నీ అందుబాటులోకి వచ్చేదెప్పుడు.? అని వైద్య నిపుణులు ప్రశ్నిస్తున్నారు. ట్రంప్ మాత్రం, ఇంకా తన టెంపరితనం ప్రదర్శిస్తూనే వున్నారు. న్యూయార్క్ తదితర ప్రాంతాల్లో ప్రజలు బిక్కుబిక్కుమంటున్న వైనాన్ని ట్రంప్ ఇంకా గుర్తెరగకపోతే అమెరికా మరింత తీవ్రమైన సంక్షోభాన్ని ఎదుర్కోక తప్పదేమో.
195784 10896Hiya! awesome blog! I happen to be a every day visitor to your web site (somewhat more like addict ) of this web site. Just wanted to say I appreciate your blogs and am searching forward for a lot more to come! 848051
564002 527991What would you suggest about your submit that you just made some days in the past? Any positive? 185557
702426 680449Howdy! I just wish to give a huge thumbs up for the excellent information you may have here on this post. I will probably be coming back to your weblog for a lot more soon. 106303
928141 971310Reasonably unusual. Is likely to appreciate it for those who add forums or anything, website theme . a tones way for your client to communicate. Excellent task.. 165470