చీకటి రాజ్యపు నెత్తుటి మరకలతో “పాతాళ్ లోక్”
ప్రస్తుతం ప్రపంచాన్ని తన గుప్పిట్లో పెట్టుకుని శాసిస్తున్న కరోనా మహమ్మారి కారణంగా థియేటర్లు మూతబడి ఓటీటీ ప్లాట్ ఫాంలు కళకళలాడుతున్నాయి. అదే బాటలో అమెజాన్ ప్రైమ్ ద్వారా విడుదలయిన ‘పాతాళ్ లోక్’ వెబ్ సిరీస్ అందరి మన్ననలు అందుకుంటోంది. చీకటి సామ్రాజ్యపు నేపధ్యంలో క్రైమ్ థ్రిల్లర్ డ్రామాగా రూపొందిన ఈ సిరీస్ ఇప్పుడు అందరినీ ఆకట్టుకుంటోంది.
బాలీవుడ్ నటి అనుష్క శర్మ స్థాపించిన నిర్మాణ సంస్థ ‘క్లీన్ స్లేట్ ఫిలింస్’ ఈ సిరీస్ నిర్మించింది. తరుణ్ తేజ్పాల్ రచించిన ‘ది స్టోరీ ఆఫ్ మై అసాసిన్స్’ అనే పుస్తకం ఆధారంగా రూపొందిన ఈ సిరీస్ని సుదీప్ శర్మ రచించగా అవినాష్ అరుణ్, ప్రోసిత్ రాయ్ దర్శకత్వం వహించారు.
కథేమంటే :
ఢిల్లీలోని జమునా పార్ పోలీస్ స్టేషనులో ఇనస్పెక్టరుగా భాధ్యతలు నిర్వర్తిస్తున్న హాతీరామ్ చౌదరి (జైదీప్ అహ్లావత్)కి ఒక పెద్ద కేసును అప్పగిస్తారు. ప్రముఖ జర్నలిస్టు సంజీవ్ మెహ్రా (నీరజ్ కాబి) హత్యకి పథకం పన్నారనే ఆరోపణతో నలుగురు నేరస్థులను పోలీసులు అరెస్టు చేస్తారు. హాతీరామ్ తన సబార్డినేట్ అన్సారీ (ఇష్వక్ సింగ్) సాయంతో ఇన్వెస్టిగేష్న్ మొదలు పెడతాడు. హంతకుల బృందానికి నాయకుడు అయిన విశాల్ త్యాగి అలియాస్ ‘హతోడా’ త్యాగి (అభిషేక్ బెనర్జీ) గురించిన భయంకరమైన వాస్తవాలు తెలుస్తాయి. పరిశోధనలో ముందుకు సాగిపోతున్న హాతీరామ్ని హఠాత్తుగా సస్పెండ్ చేసి కేసును సిబిఐకి అప్పగిస్తారు. సస్పెండయిన హాతీరామ్ ఇన్వెస్టిగేషన్ ఆపకుండా కేసుకు సంబంధించిన పెద్ద తలకాయల వరకూ వెళ్ళిపోతాడు. సంజీవ్ మెహ్రాని చంపడానికి పథకం ఎవరు వేసారు.? నలుగురి నేరస్థుల నేపధ్యం ఏమిటి? అనేది సిరీస్ చూసి తీరాల్సిందే.
ఎలా ఉందంటే :
ప్రతి ఎపిసోడ్ నలభై నిమిషాలకి పైగా ఉన్న ఈ సిరీస్ లో మొత్తం తొమ్మిది ఎపిసోడ్స్ ఉన్నాయి. మొదటి ఎపిసోడ్ చూసాక తొమ్మిది ఎపిసోడ్లు చూసేయాలని అనిపించేలా చేయటంలో క్రియేటర్లు సక్సెస్ అయ్యారనే చెప్పాలి. ప్రతి ముఖ్య పాత్రకీ వెనక మరొక ఉపకధ ఉండటం ఈ సిరీస్ ప్రత్యేకత. కథపై, పాత్రచిత్రణపై ఎంతో శ్రద్ధ పెట్టి తీర్చిదిద్దారనేది సిరీస్ ఆసాంతం తెలుస్తూనే ఉంటుంది. అక్కడక్కడ లోటుపాట్లు ఉన్నా ఆసక్తి సన్నగ్లికుండా ఊహించని మలుపులు, సస్పెన్స్, ఒక్కో పాత్ర తాలూకు గతం, వాటి వెనక పరిస్థితులతో ‘పాతాళ్ లోక్’ను మంచి రచనగా మలిచిన రచయితలను మెచ్చుకోకుండా ఉండలేం.
చీకటి రాజ్యంలో భయంకరమయిన వాస్తవాలు, పసిపిల్లలపై జరిగే దారుణాలు, ఆడవారిపై చేసే అఘాయిత్యాలు వంటి దారుణాలని కళ్ళకి కట్టినట్లు చూపించారు. మనుషులను నిర్దాక్షిణ్యంగా చంపేసే పాత్రలు జంతు ప్రేమ చూపించడం అనేది కథలో కీలకాంశంగా చూపించటం అర్థవంతంగా అనిపిస్తుంది. ఒక సాధారణ హత్యాయత్నాన్ని సిబిఐ తన స్వలాభం కోసం టెర్రరిస్ట్ ప్లాట్గా ఎలా చిత్రీకరించగలదో, ఫేక్ న్యూస్ని మీడియా ఏ విధంగా ప్రజల్లోకి తీసుకెళ్ళగలదో చూపిస్తూ స్వర్గ్ లోక్లో (ధనిక వర్గం) జరిగే ఏ దారుణంలో అయినా బలయ్యేది పాతాళ్ లోక్ (నిరుపేద వర్గం) వాసులేననే బేస్ పాయింట్ తో నడిపించిన ఈ సిరీస్ అందరికీ నచ్చుతుంది. ఆన్ లైన్ స్ట్రీమింగ్ ప్లాట్ ఫారాల్లో సెన్సార్ అనే అడ్డుగోడ లేకపోవటం వల్ల కాబోలు మైనారిటీలపై జరిగే అకృత్యాలు, ముస్లింలని టెర్రరిస్టులుగా ముద్ర వేయటం, నిమ్న వర్గాల ఆడవారిని అగ్రవర్ణం మగాళ్ళు బలాత్కారం చేయడం లాంటి దృశ్యాలని నిర్భయంగా చిత్రీకరించారు.
స్వర్గ్ లోకంలో వారికుండే యాంగ్జయిటీ ఇబ్బందులు, భర్త అఫైర్లకి గుండె పగిలిన భార్యలు, వయసు తారతమ్యం లేకుండా ఏర్పడే శారీరిక సంబంధాలు, ఒక అవకాశాన్ని అదనుగా వాడుకుని నిచ్చెన ఎక్కే వ్యక్తులు, వారి పాపులారిటీ వెనుక నెత్తుటి మరకలకు ‘పాతాళ్ లోక్’ అద్దం పడుతుంది.
ఎవరెలా :
ఈ సిరీస్కి అతి పెద్ద ఎస్సెట్ హాతీరాం చౌదరి పాత్ర. ఆ పాత్రలో జైదీప్ అహ్లావత్ అద్భుతంగా జీవించాడు. పరిశోధనలో భాగంగా అతడు సమస్యకి దగ్గరగా వెళుతున్నపుడు కానీ, ప్రమాదంలో పడినపుడు కానీ అతను ఎలాగైనా తప్పించుకోవాలని ప్రేక్షకుడు కోరుకునేంతగా హాతీరామ్ మనసుకి హత్తుకుపోతాడు. సంజీవ్ మెహ్రాగా నీరజ్ కాబి తన పాత్రకి కావాల్సిన డిగ్నిటీతో పాటు దుర్లక్షణాలని కూడా ఈజ్తో చూపించాడు. హథోడా త్యాగిగా అభిషేక్ బెనర్జీ కర్కోటకుడైన హంతకుడు ఎలా వుంటాడనేది కళ్ళకి కట్టాడు. గుల్ పనాగ్, స్వస్తికా ముఖర్జీ, నిహారిక లైరా దత్ మూడు భిన్నమైన లేడీ క్యారెక్టర్స్ లో తమ నటనతో ఈ సిరీస్కి అదనపు బలంగా నిలిచారు.
సాంకేతిక వర్గం :
చీకటి రాజ్యపు నేపధ్యంలో తెరకెక్కించిన సిరీస్ కి సినిమాటోగ్రఫీ, ప్రొడక్షన్ డిజైన్, మ్యూజిక్ అన్నీ సరిగ్గా కుదిరాయి. ఈ సిరీస్ టెక్నికల్గా ఏ బాలీవుడ్ సినిమాకీ తీసిపోదు.
రేటింగ్ : 3/5
సూర్య ప్రకాష్ వేద
878923 416348whoah this weblog is magnificent i enjoy reading your posts. Keep up the great function! You know, lots of folks are looking about for this info, you can assist them greatly. 896968
691538 252696Vi ringrazio, ho trovato che quanto scritto non sia completamente corretto 59333
778712 192509Properly worded post will probably be sharing this with my readers this evening 817001
435572 752735Right after study many of the content material inside your web site now, and i also truly significantly like your way of blogging. I bookmarked it to my bookmark site list and are checking back soon. Pls take a appear at my internet page also and inform me how you feel. 572187