Washington Sundar: సత్య వినుగొండ, అనుశ్రీ జంటగా నటిస్తున్న సినిమా “వాషింగ్టన్ సుందర్”. ఎస్ ఎస్ మూవీ కార్పొరేషన్ బ్యానర్ పై సత్య వినుగొండ స్వీయ దర్శకత్వంలో నిర్మిస్తున్నారు. ఇప్పటికే షూటింగ్ పూర్తి చేసుకున్న సినిమా త్వరలో విడుదల కానుంది. ఈనేపథ్యంలో సినిమా ఫస్ట్ లుక్ రిలీజ్ చేసింది చిత్ర యూనిట్. ఫస్ట్ లుక్ పోస్టర్ ను జాతి రత్నాలు సినిమాతో విజయం సాధించిన దర్శకుడు అనుదీప్ ఆవిష్కరించారు. అనంతరం ఆయన మాట్లాడుతూ.. సినిమా విజయవంతం కావాలని ఆకాంక్షించారు.
చిత్ర దర్శకుడు సత్య.. ‘సినిమా వెరైటీ కాన్సెప్ట్ తో తెరకెక్కించాం. యాక్షన్ జోనర్ తోపాటు ఫన్ అండ్ ఎంటర్ టైనర్ గా ప్రేక్షకులు మెచ్చేలా సినిమా ఉంటుంది. దర్శకుడు అనుదీప్ మా సినిమా పోస్టర్ ఆవిష్కరించడం సంతోషంగా వుంది. ఇందుకు ఆయనకు ప్రత్యేక కృతజ్ఞతలు తెలియజేస్తున్నా. వచ్చే మార్చి నెలలో సినిమా రిలీజ్ చేసేందుకు ప్లాన్ చేస్తున్నాం. రిలీజ్ డేట్ కూడా త్వరలో ప్రకటిస్తా’మని అన్నారు. సినిమాకు సంగీతం నందన్ రాజ్ బొబ్బిలి అందిస్తున్నారు.
