యంగ్‌ హీరో నితిన్‌ ఏప్రిల్ నెలలో పెళ్లి ఫిక్స్‌ చేసుకున్న విషయం తెల్సిందే. పెద్ద ఎత్తున దుబాయిలో ఏర్పాట్లు చేశారు. అయిదు రోజుల పాటు డెస్టినేషన్‌ మ్యారేజ్‌ కు నితిన్‌ ప్లాన్‌ చేసుకున్నాడు. అయితే కరోనా కారణంగా మొత్తం తారు మారు అయ్యింది. కరోనా కారణంగా ప్రతి ఒక్కరు ఇంటికే పరిమితం అవ్వాలని ప్రభుత్వాలు ఆదేశించిన కారణంగా పెళ్లిల్లు అన్ని కూడా క్యాన్సిల్‌ చేసుకుంటున్నారు.
మార్చి 31 వరకు విమానాలు పూర్తిగా రద్దు చేసిన కారణంగా పెళ్లి విషయంలో అనుమానాలు నెలకొన్నాయి. ఆ తర్వాత అయినా కూడా పరిస్థితి మారుతుందా లేదా అనే అనుమానాలు ఉన్నాయి. కనీసం మూడు నాలుగు నెలల వరకు కఠినమైన చర్యలు తీసుకునే అవకాశం ఉందని ప్రచారం జరుగుతున్న నేపథ్యంలో పెళ్లిని వాయిదా వేసుకున్నట్లుగా తెలుస్తోంది.
మొదటగా పెళ్లిని దుబాయి నుండి హైదరాబాద్‌కు షిఫ్ట్‌ చేయాలనుకున్నారు. ఇప్పుడు పూర్తిగా పెళ్లిని వాయిదా వేయాలనే నిర్ణయానికి వచ్చినట్లుగా సమాచారం అందుతోంది. ప్రస్తుతం పెళ్లి ఏర్పాట్లు పూర్తిగా ఆపేశారని, పెళ్లి కొత్త తేదీని కరోనా హడావుడి పూర్తి అయిన తర్వాత నిర్ణయిస్తారని తెలుస్తోంది. సుదీర్ఘ కాలంగా ప్రేమిస్తున్న శాలినిని నితిన్‌ పెళ్లి చేసుకోబోతున్న విషయం తెల్సిందే.
516243 116018I think so. I believe your post will give those people a very good reminding. And they will express thanks to you later 712892