ట్రంప్ విందుకు జగన్ ను పిలవకపోవడానికి బాబు కారణమా?

రాష్ట్రంలో తెలుగుదేశం, వైకాపా పార్టీల మధ్య పచ్చగడ్డి వేయకుండా భగ్గుమంటోంది. రెండు పార్టీల నేతల మధ్య రోజు రోజుకు గొడవలు పెరిగిపోతున్నాయి. రాజకీయాల్లో ఉండే వైరిని పర్సనల్ గా తీసుకొని కత్తులు దూస్తున్నారు. దీంతో అభివృద్ధి ఎక్కడ వేసిన గొంగళి అక్కడే అన్నట్టుగా మారిపోయింది. దీంతో ప్రజలు నానా ఇబ్బందులు పడుతున్నారు.

ఇక ఇదిలా ఉంటె, ట్రంప్ ఇండియా పర్యటనను పురస్కరించుకొని ఈరోజు రాత్రి 8 గంటలకు రాష్ట్రపతి భవన్ లో విందు ఏర్పాటు చేస్తున్నారు. వివిధ రాష్ట్రాలకు చెందిన ముఖ్యమంత్రులు, వ్యాపారవేత్తలు తదితరులు హాజరవుతున్నారు. ఈ విందు కార్యక్రమానికి తెలంగాణ ముఖ్యమంత్రి కేసీఆర్ కు కూడా ఆహ్వానం అందింది. కానీ, ఆంధ్రప్రదేశ్ ముఖ్యమంత్రి జగన్ కు మాత్రం ఈ ఆహ్వానం అందలేదు.

ఇదే ఇప్పుడు హాట్ టాపిక్ గా మారింది. మోడీకి కేసీఆర్ కంటే కూడా జగన్ బాగా దగ్గరయ్యారు. సిఏఏ విషయంలో కూడా జగన్ ఆచితూచి వ్యవహరిస్తున్నారు. ఎందుకంటే కేంద్రం సపోర్ట్ ఇప్పుడు జగన్ కు చాలా అవసరం ఉన్నది. ఇలాంటి సమయంలో జగన్ ను ఎందుకు పిలవలేదు అన్నదానికి ఒక్కొక్కరు ఒక్కో విధంగా మాట్లాడుకుంటున్నారు. జగన్ ను పిలవకపోవడానికి చంద్రబాబు కొన్ని కారణాలు చెప్పుకోవచ్చారు. జగన్ అవినీతిపరుడు అని అందుకే ఆయన్ను పిలవలేదని అంటున్నారు.

కొంతమందైతే మోడీకి, బాబుకు మధ్య వైరి ఉన్నప్పటికీ బాబుకు ఢిల్లీలో మంచి పలుకుబడి ఉందని, జగన్ ను ఈ విందుకు ఆహ్వానం లేకుండా చేయడానికి బాబు చాలా ఎత్తులు వేశారని, బాబు ఢిల్లీ స్థాయిలో మేనేజ్ చేయబట్టే జగన్ కు ఆహ్వానం అందలేదని కొందరు అంటున్నారు. ఇందులో నిజం ఉందా లేదా అన్నది పక్కన పెడితే, రాష్ట్రంలో జరుగుతున్న విషయాలు చూస్తుంటే బాబు ఢిల్లీ లెవెల్లో ఇలాంటి లాబీయింగ్ చేసుకున్నారని అనుకోవచ్చు.