దశాబ్దానికోసారైనా స్త్రీతో ఎంజాయ్ చెయ్యాలట.. లేకపోతే ఫ్రస్ట్రేషన్తో చచ్చిపోతారట. దర్శకుడు రామ్ గోపాల్ వర్మ చెప్పిన మాటలివి. ఆయన మాటల్లోని ‘ఎంజాయ్’ అన్న పదానికి అర్థమేంటో తెలుసు కదా.? ఇంతకీ, ఈ సలహా రామూజీ ఎవరికి ఇచ్చినట్లు.? ఇంకెవరికి, రామ్గోపాల్ వర్మపై విరుచుకుపడిన పాటల రచయిత, కవి, సాహితీవేత్త జొన్నవిత్తుల రామలింగేశ్వరరావుకే వర్మగారు ఈ సలహా ఇచ్చారు.
అదేంటీ, వున్నపళంగా రామ్గోపాల్ వర్మ ‘సెక్స్ స్పెషలిస్ట్’ అవతారమెత్తారు.? అని సోషల్ మీడియా వేదికగా అంతా ఆశ్చర్యపోతున్నారు. వర్మ తెరకెక్కిస్తోన్న ‘కమ్మ రాజ్యంలో కడప రెడ్లు’ సినిమాపై ఓ న్యూస్ ఛానల్ అడిగిన ప్రశ్నకు తన అభిప్రాయాన్ని చెప్పే క్రమంలో వర్మ మీద విరుచుకుపడ్డారు జొన్నవిత్తుల. ఆ మాటకొస్తే, ‘కమ్మ రాజ్యంలో కడప రెడ్లు’ సినిమాని వైసీపీ మద్దతుదారులు తప్ప ఎవరూ హర్షించడంలేదనుకోండి.. అది వేరే విషయం.
అయినా, అది వర్మ ఇష్టం. ఆయనలాగే సినిమాలు తీస్తాడు. మరి, జొన్నవిత్తులకీ ఓ అభిప్రాయముంటుంది కదా.. ఆ అభిప్రాయాన్ని చెప్పడం అన్నది ఆయనిష్టం. అంతమాత్రానికే ‘ఓ నా బుజ్జి సొన్నా.. నీ వీడియో చూశాన్రా కిస్సీ బాయ్..’ అంటూ వెటకారం చేయడమే కాదు, ‘నీ భార్యా పిల్లలు నిన్నెలా భరిస్తున్నారు డార్లింగ్?’ అని వర్మ విమర్శిస్తే ఎలా.?
వర్మ వైవాహిక జీవితం గురించి అందరికీ తెల్సిందే. అలాగని, ఆయన కుటుంబ సభ్యుల మీద జనం జాలి చూపిస్తే ఎలా వుంటుంది.? అఫ్కోర్స్ సెంటిమెంట్ లేని వర్మకి ఆ ‘పెయిన్’ తెలియదనుకోండి.. అంటూ వర్మకే డైరెక్ట్గా సోషల్ మీడియాలో కౌంటర్లు ఇస్తున్నారు నెటిజన్లు. ఈసారి మాత్రం వర్మకి సోషల్ మీడియాలో అక్షింతలు ఎక్కువగా పడ్తున్నాయి.. జొన్నవిత్తులకి మద్దతూ ఎక్కువగా కన్పిస్తోంది.