వైఎస్ జగన్ మోహన్రెడ్డి ప్రభుత్వం అత్యంత ప్రతిష్టాత్మకంగా తెరపైకి తెచ్చిన వాలంటీర్ వ్యవస్థ సూపర్ హిట్ అయ్యిందా.? గత నెల నుంచి ప్రారంభమయిన ఇంటి వద్దకే పెన్షన్ల కార్యక్రమాన్ని గ్రామ వాలంటీర్లు అత్యంత విజయవంతంగా పూర్తి చేయడంతో.. ఈ గ్రామ వాలంటీర్ వ్యవస్థని అద్భుతః అని కొనియాడాల్సిందేనా.? అవుననే అంటున్నాయి వైసీపీ వర్గాలు.
గత నెలలో పెన్షన్లకు సంబంధించి కొన్ని విమర్శలు వచ్చాయి. వెంటనే తేరుకున్న ప్రభుత్వం, ఈసారి ఎలాంటి వివాదాలకూ తావివ్వకుండా పనిచేసింది. గ్రామ వాలంటీర్ వ్యవస్థ సూపర్ హిట్ అయ్యిందని వైఎస్ జగన్ ప్రభుత్వం ఘనంగా ప్రకటించుకుంది. మధ్యాహ్నానికే 80 శాతం పెన్షన్ల పంపిణీ పూర్తవడమంటే ఆషామాషీ వ్యవహారం కాదు. పైగా, క్యూ లైన్లలో నిల్చునే పనిలేకుండా లబ్దిదారుల ఇళ్ళ వద్దకే పెన్షన్లు గ్రామ వాలంటీర్ల ద్వారా వెళ్ళాయి.
నిజానికి, గ్రామ వాలంటీర్లకు చాలా పనుల్ని ప్రభుత్వం అప్పగించింది. ఆ పనుల ఒత్తిడి చాలా తీవ్రంగానే వుంది వాలంటీర్ల మీద. గ్రామ సచివాలయం అనీ.. ఇంకోటనీ.. చాలా హంగామా వైసీపీ ప్రభుత్వం చేసింది.. చేస్తోంది కూడా. ఇంకా ఇవన్నీ తొలి దశలోనే వున్నాయి గనుక.. ముందు ముందు వీటి పనితీరుపై ఓ స్పష్టత వస్తుంది. ప్రస్తుతానికైతే ఆయా వ్యవస్థలు బాగానే పనిచేస్తున్నాయని అనుకోవాలి. అదే సమయంలో, కొన్ని విమర్శల్నీ ఎదుర్కోవాల్సి వస్తోంది ప్రభుత్వం ఈ వ్యవస్థల కారణంగా. వాలంటీర్లలో కొందరు దొంగతనాలకు పాల్పడుతున్న వైనం తెరపైకి వస్తోంది.
అబ్బే, ఒకరిద్దరి కారణంగా మొత్తం వ్యవస్థను తప్పు పట్టడం ఎంతవరకు సబబు.? అన్నది ఇంకో చర్చ. ఇదిలా వుంటే, పని భారం అత్యంత తీవ్రంగా వుందనీ, ఎక్కువ కాలం వాలంటీర్లుగా కొనసాగలేమని ఆఫ్ ది రికార్డ్గా చాలామంది గ్రామ వాలంటీర్లు చెబుతున్నారు. బయట పనులకు వెళ్ళినా, చిన్నా చితకా ఉద్యోగాలు చేసుకున్నా.. చెప్పుకోదగ్గ స్థాయిలో వేతనాలు అందుతున్నాయనీ.. వాలంటీర్లుగా సంపాదన చాలా చాలా తక్కువన్నది వారి వాదన.
మరోపక్క, కేవలం వైసీపీ కార్యకర్తలకే వాలంటీర్ పోస్టులు ఇచ్చుకున్నామని గతంలోనే వైసీపీ ముఖ్య నేత విజయసాయిరెడ్డి చెప్పానుకోండి.. అది వేరే సంగతి. ఏదిఏమైనా, కార్యాలయాల చుట్టూ తిరిగే బాధ్యత ప్రజలకు తప్పినందున.. ప్రస్తుతానికి వాలంటీర్ వ్యవస్థ బంపర్ హిట్టే.!
789171 514867Oh my goodness! an incredible write-up dude. Thanks a ton Nonetheless We are experiencing concern with ur rss . Dont know why Cannot enroll in it. Can there be any person finding identical rss dilemma? Anyone who knows kindly respond. Thnkx 667551
493781 924442Some truly good and utilitarian info on this internet site , besides I feel the layout holds wonderful capabilities. 290274
50149 248110I like this web internet site quite a lot, Its a truly good billet to read and obtain info . 386049