మాస్ కా దాస్ విశ్వక్ సేన్ వరుస సినిమాలతో ఫుల్ బిజీగా ఉంటున్నాడు. ఈ క్రమంలోనే ఆయన తాజాగా మరోసారి డైరెక్టర్ బాధ్యతలు తీసుకున్నాడు. తానే హీరోగా, డైరెక్టర్ గా చేస్తున్న కొత్త మూవీ కల్ట్. తారక్ సినిమాస్, వాన్మయి క్రియేషన్స్ పై కరాటే రాజు, సందీప్ కాకరాల సంయుక్తంగా నిర్మిస్తున్నారు.
ఈ మూవీకి విశ్వక్ సేన్ కథను కూడా రాశారు. షూటింగ్ ప్రారంభం అవుతున్న సందర్భంగా ఓ పోస్టర్ ను కూడా రిలీజ్ చేశారు. పోస్టర్ తోనే ఆసక్తిని పెంచేశారు. ఈ పోస్టర్ లో మేక తలను పోలి ఉన్న మాస్క్ ను పెట్టుకున్న పిక్ ను చూపించారు.
వాస్తవ సంఘటనల ఆధారంగా ఈ మూవీని తీస్తున్నట్టు యూనిట్ చెబుతోంది. గతంలో వచ్చిన విశ్వక్ సేన్ సినిమాల కంటే ఇది చాలా భిన్నంగా ఉంటుందని మూవీ టీమ్ చెబుతుఉన్నారు. మూవీని నేడు రామానాయుడు స్టూడియోస్ లో లాంచ్ చేశారు. ఎస్ రాధాకృష్ణ టైటిల్ లోగోను ఆవిష్కరించగా.. మాజీ మంత్రి తలసాని శ్రీనివాస్ యాదవ్ కెమెరా స్విచ్ ఆన్ చేశారు.
అల్లు అరవింద్ క్లాప్ కొట్టి షూటింగ్ ను స్టార్ట్ చేశారు. ఈ మూవీలో 40 మంది కొత్త నటులను తీసుకుంటున్నారు. తరుణ్ భాస్కర్ డైలాగులు అందిస్తున్నారు. రవి బసూర్ మ్యూజిక్ డైరెక్టర్ గా చేస్తున్నాడు. అరవింద్ విశ్వనాథన్ సినిమాటోగ్రాఫర్ గా పనిచేస్తున్నాడు.