కమల్ హాసన్, విజయ్ సేతుపతి, ఫాహద్ ఫాజిల్ ప్రధాన పాత్రల్లో రూపొందిన చిత్రం విక్రమ్. ఖైదీ, మాస్టర్ ఫేమ్ లోకేష్ కనగరాజ్ ఈ సినిమాను డైరెక్ట్ చేసాడు. మరి ప్రమోలతో ఆకట్టుకున్న విక్రమ్ ఎలా ఉందో చూద్దామా.
కథ:
మిస్ అయిన ఒక కోకైన్ కంటైనర్ కారణంగా వరసగా మర్డర్లు జరుగుతాయి. ఈ కేసును అమర్ (ఫాహద్ ఫాజిల్) అనే అండర్ కవర్ ఆఫీసర్ డీల్ చేస్తాడు. ఇన్వెస్టిగేషన్ లో భాగంగా విక్రమ్ (కమల్ హాసన్), సంతానం (విజయ్ సేతుపతి) గురించి తెలుసుకుంటాడు అమర్.
అసలు అమర్ లక్ష్యం ఏంటి? ఈ ముగ్గురి కారణంగా ఎలాంటి పరిస్థితులు సంభవించాయి వంటివి కథకు కీలకం.
నటినటులు:
కమల్ హాసన్ ఈ చిత్రానికి మెయిన్ ప్లస్ పాయింట్ అనడంలో ఎటువంటి సందేహం లేదు. విక్రమ్ పాత్రలో కమల్ స్వాగ్ అదిరిపోయింది. తన లుక్, స్క్రీన్ ప్రెజన్స్ సూపర్బ్ గా సెట్ అయ్యాయి. సెకండ్ హాఫ్ లో వచ్చే ఎమోషనల్ బ్లాక్ లో తన నటన ప్రత్యేకంగా అనిపిస్తుంది.
ఫాహద్ ఫాజిల్ ఇన్వెస్టిగేషన్ ఆఫీసర్ లో అదరగొట్టాడు. ముఖ్యంగా ఫస్ట్ అంతటా తనే ఎక్కువగా హైలైట్ అవుతాడు. సెకండ్ హాఫ్ లో కూడా ప్రత్యేకంగా అనిపించే పాత్ర అది.
ఇక విజయ్ సేతుపతి గురించి చెప్పేదేముంది. తను కనిపించే ప్రతీ సీన్ లో అందరినీ డామినేట్ చేసేసాడు. ముగ్గురిలోకి ప్రత్యేకంగా అనిపించే పాత్ర విజయ్ కు దక్కింది.
ఇక ఈ ముగ్గురూ సినిమా అంతటా కమ్మేస్తారు కానీ మిగతా నటులు కూడా తమ పరిధిల మేరకు రాణించారు.
సాంకేతిక నిపుణులు:
ఈ సినిమాకు అనిరుధ్ సంగీతం వెన్నుముక అని చెప్పవచ్చు. సినిమాలో వచ్చే పాటలు పర్వాలేదనిపించే రీతిలో ఉన్నాయి. ఇక బ్యాక్ గ్రౌండ్ మ్యూజిక్ ప్రత్యేకంగా అనిపిస్తుంది. ముఖ్యంగా యాక్షన్ బ్లాక్స్ లో తన అవుట్పుట్ సూపర్బ్.
ఇక సినిమాటోగ్రఫీ, యాక్షన్ కోరియోగ్రఫీ బాగా కుదిరాయి. ఎడిటింగ్ ఇంకా షార్ప్ గా ఉంటే బాగుండేది అనిపిస్తుంది. నిర్మాణ విలువలు సినిమాకు తగ్గట్లుగా సాగాయి.
ఇక లోకేష్ కనగరాజ్ విషయానికోస్తే డ్రగ్ డీలర్ కాన్సెప్ట్ తో రాసుకున్న ఐడియా బాగుంది. కథకు తగ్గట్లుగా స్టార్ క్యాస్ట్ ను ఎంచుకోవడంతోనే సగం విజయం సాధించేసాడు. అయితే కొన్ని యాక్షన్ సన్నివేశాలు, అక్కడక్కడా మెరుపులు తప్పితే విక్రమ్ కొంత గాడి తప్పినట్లు అనిపిస్తుంది.
పాజిటివ్ పాయింట్స్:
- లీడ్ క్యాస్ట్
- సంగీతం
మైనస్ పాయింట్స్:
- నిడివి ఎక్కువ కావడం
- స్క్రీన్ ప్లే
చివరిగా:
మొత్తంగా చూసుకుంటే విక్రమ్ ఒక సాధారణ యాక్షన్ ఎంటర్టైనర్. కాకపోతే, కమల్ హాసన్, ఫాహద్ ఫాజిల్, విజయ్ సేతుపతిల కాంబినేషన్ ప్రత్యేకంగా అనిపిస్తుంది. యాక్షన్ లవర్స్ కు నచ్చే ఈ చిత్రం మిగతావారికి ఓకే అనిపించవచ్చు.
తెలుగు బులెటిన్ రేటింగ్: 2.25/5
615229 778905Now we know who the ssebnile one is here. Great post! 114960
874926 542529Typically I dont read this kind of stuff, but this was actually fascinating! 543113
966904 784490I conceive this internet site has really wonderful indited content material posts . 558293
789880 200292Read more on that great Post, I linked to you Thank you. 153686