సోషల్ మీడియాలో వైఎస్సార్సీపీ ముఖ్య నేత, ఆ పార్టీ రాజ్యసభ సభ్యుడు విజయసాయిరెడ్డి చాలా యాక్టివ్‌గా వుంటారన్నది అందరికీ తెల్సిన విషయమే. కుప్పలు తెప్పలుగా ట్వీట్స్‌ వేస్తుంటారాయన. ప్రత్యర్థులపై ఎడాపెడా సెటైర్లు వేయడంలో విజయసాయిరెడ్డి దిట్ట. కానీ, ఏం లాభం.? ఆయన వేసే ఒక్కో ట్వీట్‌, వందలాది మందితో తిట్టించుకునేలానే వుంటుంది. ఆ విషయం ఆయన ట్వీట్ల కింద వచ్చే కామెంట్లను చూస్తే అర్థమవుతుంది.
తాజాగా ‘సుమోటో’ గురించిన ప్రస్తావన చేశారాయన. ప్రధాన ప్రతిపక్షం టీడీపీ అధినేత నారా చంద్రబాబునాయుడిని విమర్శించే క్రమంలో ‘సుమోటో’ అంశాన్ని ప్రస్తావిస్తూ ఎద్దేవా చేశారు విజయసాయిరెడ్డి. అంతే, ట్రోలింగ్‌ షురూ అయ్యింది. అలా ఇలా కాదు.. ఓ రేంజ్‌లో. వైఎస్‌ జగన్‌ అక్రమాస్తుల కేసులో విజయసాయిరెడ్డి ఏ2 నిందితుడిగా వున్న విషయం విదితమే. జగన్‌పైనా, విజయసాయిరెడ్డిపైనా పలు కేసులు విచారణ దశలో వున్నాయి. సీబీఐ చార్జిషీట్లు కూడా వేసింది. సరే, తీర్పు ఎప్పుడు వస్తుంది.? ఎలా వస్తుంది.? అన్నది వేరే చర్చ.
ఏళ్ళ తరబడి ఈ కేసుల్లో విచారణ కొనసాగుతోంది. అటు జగన్‌, ఇటు విజయసాయిరెడ్డి.. ఇద్దరూ బెయిల్‌ మీదనే వున్నారు. ప్రతి శుక్రవారం కోర్టుకు హాజరు కావాల్సి వున్నా.. అధికారంలోకి వచ్చాక.. వైఎస్‌ జగన్‌, ఏదో ఒక కారణం చూపి, విచారణ నుంచి తప్పించుకుంటున్నారన్నది ఓపెన్‌ సీక్రెట్‌. ఈ కేసుల వ్యవహారాలు ఇప్పుడెందుకు నెటిజన్లు ప్రస్తావిస్తున్నారంటే.. అదంతా విజయసాయిరెడ్డి ‘సయిరా’ పంచ్‌ల ప్రభావం.
‘సుమోటో’ గురించి ఇలా ఆయన సెటైరికల్‌గా చంద్రబాబుపై ట్వీటేశారో లేదో.. అలా నెటిజన్లు, విజయసాయిరెడ్డితోపాటు వైఎస్‌ జగన్‌ మోహన్‌రెడ్డిపైనా సెటైర్లతో విరుచుకుపడిపోయారు. ఇలాంటివి విజయసాయిరెడ్డికి కొత్తేమీ కాదు. కానీ, వైఎస్‌ జగన్‌ అభిమానులు మాత్రం, విజయసాయి అత్యుత్సాహంపై గుస్సా అవుతున్నారు.
విజయసాయిరెడ్డి ప్రతి ట్వీట్‌ బౌన్స్‌ బ్యాక్‌ అవుతూ, తమ అధినేత కేసుల వ్యవహారాన్ని తెరపైకి తెస్తుండడాన్ని అస్సలేమాత్రం జీర్ణించుకోలేకపోతున్నారు వైఎస్‌ జగన్‌ అభిమానులు. కొంతమంది ఓ అడుగు ముందుకేసి, కావాలనే విజయసాయి, ఈ తరహా ట్వీట్లతో వైఎస్‌ జగన్‌ని ఇరకాటంలో పడేస్తున్నారేమోనన్న అనుమానాల్నీ వ్యక్తం చేస్తుండడం గమనార్హం.
గ్యాస్ బాధితుల్ని పరామర్శిస్తానని…
సుమోటోగా విజయవాడ నుంచి హైదరాబాద్ వెనక్కి వెళ్ళాడు ఒకాయన.
నాకు నేనే సుమోటోగా ఎన్నికల కమిషనర్ని అని ఆర్డర్ ఇచ్చుకున్నాడు ఇంకొకాయన.
అసలు ఈ సుమోటోలు ఏమిటో…!?— Vijayasai Reddy V (@VSReddy_MP) May 31, 2020
400993 720956Hey there! Great post! Please when I will see a follow up! 840817
125852 318916I recognize theres lots of spam on this web site. Do you require support cleansing them up? I might aid among courses! 191228
659999 654612Rapidly and easily build your web traffic and PR, which provides Internet web site visitors to add your page to any social bookmarking website. 54119
16291 482277Thank you pertaining to giving this excellent content on your web-site. I discovered it on google. I could check back once more should you publish extra aricles. 272303