వైసీపీ ముఖ్య నేత, ఆ పార్టీ జాతీయ ప్రధాన కార్యదర్శి, రాజ్యసభ సభ్యుడు విజయసాయిరెడ్డి పుట్టినరోజు నేడు. ట్విట్టర్‌లో ఎప్పుడూ యాక్టివ్‌గా వుండే విజయసాయిరెడ్డి, తన పుట్టినరోజునాడు కూడా ట్వీటేయకుండా వుండలేకపోయారు. ఆ ట్వీట్ కూడా షరామామూలుగానే సెటైరికల్‌ ట్వీట్. ఫైబర్‌ గ్రిడ్‌తో తనకు సంబంధం లేదని నారా లోకేష్‌ చెబితే, ఈఎస్‌ఐ మెడికల్‌ స్కామ్ తో తనకు సంబంధం లేదంటారు అచ్చెన్నాయుడు.. వీరిద్దరితోపాటుగా అల్‌ఖైదా చీఫ్‌ ఒసామా బిన్‌ లాడెన్‌, తనకూ ఉగ్రవాదానికీ సంబంధం లేదంటాడు.. ఇదీ విజయసాయిరెడ్డి ‘సాయిరా పంచ్‌’ పేరుతో వేసిన ట్వీట్‌లోని మీమ్ సారాంశం.
ప్రత్యర్థుల మీద విజయసాయిరెడ్డి ట్వీట్లు వైసీపీ శ్రేణుల్ని ఎంత ఉత్సాహపరుస్తాయోగానీ, ప్రత్యర్థి పార్టీల అభిమానుల్ని మాత్రం భలే ఉత్సాహ పరుస్తాయి. అవును మరి.. అంతలా విజయసాయిరెడ్డి ప్రత్యర్థి పార్టీల అభిమానులతో తిట్టించేసుకుంటారు ట్విట్టర్‌ వేదికగా. విజయసాయిరెడ్డి పోస్ట్‌ చేసిన మీవ్‌ు తరహాలోనే.. సోషల్‌ మీడియాలో విజయసాయిరెడ్డిపై బోల్డన్ని మీమ్స్ హల్‌చల్‌ చేస్తున్నాయి. ‘ఒసామా బిన్‌ లాడెన్‌కి ఉగ్రవాదంతో సంబంధం లేదు.. విజయసాయిరెడ్డికి చంచల్‌గూడా జైలు అంటే ఏంటో తెలియదు..’ అని మీమ్స్ వేస్తున్నారు నెటిజన్లు.
ఎలాగూ అధికారం తమ చేతుల్లోనే వుంది కాబట్టి, ట్వీట్లతో మేగ్జిమమ్ రెచ్చగొట్టి.. ప్రత్యర్థి పార్టీలకు చెందిన నెటిజన్లు అత్యుత్సాహం ప్రదర్శిస్తే.. వారిపై కేసులు బనాయించొచ్చన్న ఆలోచనతోనే విజయసాయిరెడ్డి సహా వైసీపీ నేతల్లో చాలామంది ఇలా చేస్తున్నారా.? అన్న చర్చ రాజకీయ విశ్లేషకుల్లో జరుగుతోంది. అందులో నిజమెంతోగానీ, విజయసాయిరెడ్డి, టీడీపీ నేతల మీద సెటైర్లు వేస్తోంటే.. ఆ సెటైర్లు తిరిగి విజయసాయిరెడ్డికే గట్టిగా తగిలేస్తున్నాయి.
మరీ ముఖ్యంగా కొన్ని ట్వీట్లయితే, వైఎస్ జగన్ అభిమానుల్ని కూడా ఇరకాటంలో పడేస్తున్నాయి. వైఎస్ జగన్, విజయసాయిరెడ్డి మీద కేసుల్ని.. అక్రమాస్తుల కేసులో జైలుకు వెళ్ళి వచ్చినప్పటి ఫొటోల్నీ పోస్ట్‌ చేస్తూ.. ప్రత్యర్థి పార్టీల అభిమానులు తమ ‘సరదా’ తీర్చేసుకుంటున్నారు. అయినా, పుట్టినరోజు కదా.. ఈ ఒక్కరోజ గ్యాప్‌ ఇచ్చి వుంటే విజయసాయిరెడ్డికి ఈ ‘పోటు’ ఈ రోజు నుంచి కాస్త ఉపశమనం లభించేదేమో.!
570530 888891great . Thanks for informations . Ill be back. Thanks again 222862