విజయ్ దేవరకొండ హీరోగా, రష్మిక మందన్న హీరోయిన్గా తెరకెక్కుతున్న భారీ పాన్ ఇండియా చిత్రం “రణబాలి” నుంచి విడుదలైన బర్త్ డే స్పెషల్ మేకింగ్ గ్లింప్స్ ప్రేక్షకులను ఆకట్టుకుంటోంది. రాహుల్ సంకృత్యన్ దర్శకత్వంలో రూపొందుతున్న ఈ చిత్రాన్ని మైత్రీ మూవీ మేకర్స్ బ్యానర్పై నిర్మాతలు నవీన్ యెర్నేని, వై రవిశంకర్ భారీ బడ్జెట్తో నిర్మిస్తున్నారు. టీ సిరీస్ ఈ సినిమాను సమర్పిస్తోంది.
విజయ్ దేవరకొండ పుట్టినరోజు సందర్భంగా విడుదల చేసిన ఈ ప్రత్యేక గ్లింప్స్లో, రణబాలి పాత్ర కోసం ఆయన పడిన కష్టాన్ని చూపించారు. ముఖ్యంగా హార్స్ రైడింగ్ కోసం విజయ్ తీసుకున్న కఠినమైన శిక్షణ, చేసిన హార్డ్ వర్క్ ప్రత్యేక ఆకర్షణగా నిలిచింది. స్టాలియన్ జాతికి చెందిన గుర్రాలపై స్వారీ చేయడం ఎంత కష్టమో తెలిసినా, పాత్ర కోసం విజయ్ ఎంతో పట్టుదలతో ట్రైనింగ్ తీసుకున్నట్లు వీడియోలో కనిపిస్తోంది. కొన్ని సందర్భాల్లో గాయపడినా వెనక్కి తగ్గకుండా సాధన కొనసాగించిన తీరు అభిమానులను ఆకట్టుకుంటోంది.
“ఇలాంటి సన్నివేశాలు స్క్రీన్ మీద అద్భుతంగా కనిపిస్తాయి. అందుకే ఈ కష్టాలు చేస్తున్నాను” అంటూ విజయ్ చెప్పిన మాటలు ఆయనకు సినిమాపై ఉన్న అంకితభావాన్ని తెలియజేస్తున్నాయి. సినిమాలో విజయ్ చేసే గుర్రపు స్వారీ సన్నివేశాలు, భారీ యాక్షన్ ఎపిసోడ్స్ ప్రధాన హైలైట్గా నిలవనున్నాయని తెలుస్తోంది.
1854 నుంచి 1878 మధ్య బ్రిటీష్ పాలన కాలంలో జరిగిన యదార్థ చారిత్రక సంఘటనల ఆధారంగా 19వ శతాబ్దం నేపథ్యంతో “రణబాలి” తెరకెక్కుతోంది. ఈ చిత్రాన్ని సెప్టెంబర్ 11న ప్రపంచవ్యాప్తంగా గ్రాండ్గా విడుదల చేయనున్నారు.