విజయ్ దేవరకొండ హీరోగా గౌతమ్ తిన్ననూరి డైరెక్షన్ లో తెరకెక్కుతున్న సినిమా కింగ్డమ్. సితార ఎంటర్టైన్మెంట్స్, ఫార్చున్ ఫోర్ సినిమాస్ బ్యానర్ లో సూర్యదేవర నాగవంశీ, సాయి సౌజన్య నిర్మిస్తున్న ఈ సినిమాను అసలైతే మే 30న రిలీజ్ ప్లాన్ చేశారు. ఐతే ఇప్పుడు జూలై 4కి వాయిదా వేస్తున్నట్టు చిత్రయూనిట్ వెల్లడించారు.
ఈ సందర్భంగా కింగ్డమ్ మేకర్స్ ఒక నోట్ రిలీజ్ చేశారు. మే 30న రిలీజ్ చేయాల్సిన కింగ్డమ్ సినిమాను జూలై 4న రిలీజ్ చేస్తున్నాం.. అనుకున్న డేట్ కి రిలీజ్ చేయాలని ప్రయత్నించాం కానీ దేశంలో ఇటీవల జరిగిన ఊహించని సంఘటనల వల్ల ప్రస్తుతం సినిమా ప్రమోషన్స్, ఈవెంట్స్ నిర్వహించడం కష్టం అందుకే ఈ నిర్ణయం తీసుకున్నామని చిత్ర యూనిట్ వెల్లడించారు.
ఐతే ఈ టైంలో కింగ్డమ్ సినిమాకు మరింత మెరుగులు చేసి ఇంకా బెస్ట్ గా వచ్చేలా చేస్తామని అన్నారు. లేట్ గా వచ్చినా సరే అభిమానులు, ప్రేక్షకుల అంచనాలకు ఏమాత్రం తగ్గకుండా సినిమా ఉంటుందని అన్నారు. ఈ సినిమాను జూలై 4న రిలీజ్ కు సహకరిస్తున్న దిల్ రాజు, నితిన్ లకు ప్రత్యేక ధన్యవాదాలు తెలిపారు కింగ్డమ్ మేకర్స్.
కింగ్డమ్ సినిమాలో విజయ్ సరసన భాగ్య శ్రీ బోర్స్ హీరోయిన్ గా నటిస్తుంది. ఈ సినిమాకు అనిరుద్ రవిచంద్రన్ మ్యూజిక్ అందిస్తున్నారు. సినిమా నుంచి ఇప్పటికే హృదయం లోపల సాంగ్ రిలీజ్ కాగా ఆడియన్స్ నుంచి మంచి రెస్పాన్స్ తెచ్చుకుంది.