రౌడీ హీరోగా పేరు తెచ్చుకున్నాడు విజయ్ దేవరకొండ. తనకు ఇలాంటి ఇమేజ్ ఇష్టమంటున్నాడు. మొదట్లో వరస హిట్స్ తో మంచి ఊపు మీద కనిపించాడు విజయ్ దేవరకొండ. పెళ్లి చూపులు, అర్జున్ రెడ్డి, గీత గోవిందం, టాక్సీ వాలా వంటి హిట్స్ తో విజయ్ టాప్ రేంజ్ కు చేరుకోవడంఖాయమనుకున్నారంతా. అయితే వరసపెట్టి డియర్ కామ్రేడ్, వరల్డ్ ఫేమస్ లవర్ చిత్రాలు విజయ్ ఆశలపై నీళ్లు చల్లాయి.
ఈ రెండు సినిమాలూ కూడా విజయ్ రేంజ్ ను బాగా కిందకి దించేసాయ్. అయితే విజయ్ ఫుల్ ఫ్లో లో ఉన్న సమయంలో మొదలుపెట్టిన హీరో ప్రాజెక్ట్ విజయ్ డౌన్ లో ఉండేసరికి సైడ్ అయిపోయింది. ఒక షెడ్యూల్ కూడా పూర్తి చేసుకున్న ఈ చిత్ర రషస్ చూసిన తర్వాత విజయ్ ఈ చిత్రాన్ని పక్కకు పెట్టేసాడు. ముందుగా పూరి జగన్నాథ్ తో ఫైటర్ చిత్రాన్ని తీసి తర్వాత హీరో సంగతి చూద్దామనుకున్నాడు.
ఫైటర్ శరవేగంగా షూటింగ్ జరుపుకుంటున్న సమయంలో లాక్ డౌన్ కారణంగా పనులు ఎక్కడివక్కడ నిలిచిపోయిన సంగతి తెల్సిందే. అయితే పూరి స్పీడ్ గురించి తెలియంది కాదు. మళ్ళీ షూటింగ్ కు అనుమతులు వస్తే రెండే రెండు నెలల్లో సినిమాను సిద్ధం చేసినా చేసేస్తాడు. అయితే ఫైటర్ తర్వాత విజయ్ దేవరకొండ ఎలాంటి సినిమా చేయబోతున్నాడు అనేది చర్చనీయాంశమైంది.
ఫైటర్ ప్యాన్ ఇండియా ప్రాజెక్ట్ కాబట్టి దాని తర్వాత మరో ప్యాన్ ఇండియా మూవీ చేస్తాడని కరణ్ జోహార్ ఈసారి మెయిన్ పార్ట్నర్ గా ఉంటాడని కూడా వార్తలు వచ్చాయి. అయితే అవేవీ నిజాలు కావని గతంలో శివ నిర్వాణ చెప్పిన కథకు ఓకే చెప్పిన విజయ్ ఆ ప్రాజెక్ట్ కే కమిట్ అవ్వనున్నాడని, హీరో చిత్రాన్ని పూర్తిగా సైడ్ చేసినట్లేనని అంటున్నారు. శివ నిర్వాణ ప్రస్తుతం నానితో టక్ జగదీష్ తీస్తున్నాడు.
7463 605725Wonderful write-up mate, maintain the excellent work, just shared this with ma friendz 573688