హవ్వ.. తిరుమలలో ఇలా జరగొచ్చా…

అవును.. దేవ దేవుని సన్నిధిని కూడా భ్రష్ఠు పట్టిస్తున్నారు.. ఎవరూ అని అడక్కండి.. అందరూనూ.. అక్కడ విఐపిలనబడే వ్యక్తులకు ఎప్పుడూ రాచ మర్యాదలే.. దానికి ప్రోటోకాల్ అని మళ్ళా ఒక పేరు. దేవుని వద్ద కేటగిరీ లేంటో.. ఎవరికీ అర్థంకాదు..

రాజకీయ నాయకులు, సినిమా గ్లామర్ ఉన్న నటులు, ప్రభుత్వాధికారులు.. వీళ్ళూ అక్కడ విఐపి లు..రాజకీయ నాయకులేమో.. దేవుని మహాద్వారం ఎదురుగానే నీచ రాజ కీయాలు మాట్లాడేస్తుంటారు.. సినిమా వాళ్లేమో.. ఇదిగో నయనతార బృందం లాగా.. మాడ వీధుల్లో ఫోటో షూట్ లు, చెప్పులు వేసుకుని నడవటం అట..

ఫోటో షూట్ జరిగి ఉంటే.. తప్పే. నయన్ చెప్పులు వేసుకుంది అన్నారు..కూడా ఉన్న అధికార గణం.. లేదా సిబ్బంది.. వెంటనే గుర్తించి వారించాలి కదా. చెబితే తీసేదేమో కదా..ఇది ఖచ్చితంగా కూడా ఉన్న దేవస్థానం బృందానిదే తప్పు అవుతుంది.. పైగా దీనిపై నయనతార పై తితిదే వారు ఓ కేస్ వేస్తున్నట్టు వార్త కూడా వచ్చింది.. మాడ వీధుల్లో గాని, దేవుని సన్నిధిలో గాని.. ఎవరైనా పద్ధతి తప్పితే.. వెంటనే నివారించే బృందం ఉండాలి కదా అక్కడ.. అంత పెద్ద తితిదే వ్యవస్థ.. ఈ అంశంపై దృష్టి పెట్టకపోవడమేమిటి.. విచిత్రంగా లేదూ!?

పక్కనున్న తితిదే సిబ్బందికి .. ఈ విఐపి ల దృష్టిలో పడాలనే యావే ఎక్కువ.. అందుకే ఓవర్ యాక్షన్ చేస్తూ.. వారి సేవల్లో నిమగ్నం అయిపోతారు..

తిరుమల కొండపై మరో ఓవర్ యాక్షన్ చేసే బృందం ఒకటుంది.. అదే పుట్టకొక్కుల్లా పైన తిష్ఠ వేసిన మీడియా. విఐపి లు దర్శనం చేసుకుని , వారు మహాద్వారం దాటకుండానే.. బెల్లం చుట్టూ మూగే ఈగల్లా.. వారిని చుట్టుముట్టేసి.. మాట్లాడకూడని మాటల్ని అడిగి మరీ వారితో మాట్లాడించేది మీడియానే..

అసలు కొండపై మీడియా ఎంతవరకూ అవసరం అనేది ఆలోచించాలి. అలాంటి కవరేజ్ పోటీని, ఒత్తిడిని పెంచేది కూడా.. పాపం వారి యాజమాన్యాలే.. వీరే లేకపోతే.. అక్కడ విఐపి లను కెలికే వారు, దేఖే వారే ఉండరు.. దేవాలయం చుట్టూ ఒక నిర్ణీత ప్రదేశం వరకూ ప్రెస్ మీట్ల వంటి వాటిని ఖచ్చితంగా నియంత్రణ నియమాలను పెట్టుకోవాలి..

విఐపి లు, సెలబ్రిటీలు వచ్చినప్పుడు దేవాలయ సిబ్బంది , మీడియా వారి ఓవర్ యాక్షన్ లేకుండా చూడాలి.. దేవుని సన్నిధిలో ఎవరూ పద్ధతి తప్పకుండా చూసేందుకు.. అవసరమైన నిఘా యంత్రాంగాన్ని ఏర్పాటు చేసుకోవాలి..

ఖర్మ… ఈ దిశగా ఎవరూ ఆలోచించరు.. ఆ గోవిందుడే సరి చేసుకుంటాడేమో ఎప్పుడో..!