దర్శకుడిగా కె రాఘవేంద్రరావు తెలుగు సినీ ఇండస్ట్రీపై చెరగని ముద్ర వేశారు. ముఖ్యంగా కమర్షియల్ ఫార్మటును కొత్త పుంతలు తొక్కించి రాఘవేంద్రరావు ఎన్నో మరపురాని విజయాలను సొంతం చేసుకున్నారు. హీరోయిన్లను అందంగా, గ్లామరస్ గా చూపించడంలో ఆయన శైలి వేరు. అయితే గత కొంత కాలం నుండి రాఘవేంద్రరావు దర్సకత్వానికి దూరంగా ఉంటున్నారు.
తాజా సమాచారం ప్రకారం రాఘవేంద్రరావు మళ్ళీ మెగా ఫోన్ పట్టబోతున్నట్లు తెలుస్తోంది. విక్టరీ వెంకటేష్ హీరోగా రాఘవేంద్రరావు సినిమా డైరెక్ట్ చేస్తాడని వార్తలు ఊపందుకున్నాయి. ఈ ప్రాజెక్టు గురించి ఇప్పటికే ఇద్దరి మధ్యా చర్చలు నడిచినట్లు సమాచారం. అన్నీ అనుకున్నట్లు జరిగితే వచ్చే ఏడాది నుండి ఈ ప్రాజెక్ట్ మొదలయ్యే అవకాశాలు ఉన్నాయి. అయితే ఈ సినిమా ఏ జోనర్ లో తెరకెక్కుతుంది అన్న విషయంపై ఇంకా క్లారిటీ రావాల్సి ఉంది. ఇంకా ఈ సినిమాపై అధికారిక సమాచారం కూడా రావాల్సి ఉంది.
రాఘవేంద్రరావు-వెంకటేష్ కెరీర్ లో కూలీ నెం 1, సుందరకాండ వంటి బ్లాక్ బస్టర్లు తెరకెక్కాయి. అలాగే సుభాష్ చంద్రబోస్ వంటి డిజాస్టర్ కూడా ఉంది. ఆ తర్వాత నుండి ఇప్పటివరకూ ఇద్దరూ కలిసి పనిచేయలేదు. ప్రస్తుతం వెంకటేష్ నారప్ప సినిమా షూటింగ్ లో ఉన్న విషయం తెల్సిందే. ఈ సినిమా చిత్రీకరణ చివరి దశకు చేరుకుంది. తమిళంలో సూపర్ హిట్ అయిన అసురన్ చిత్రానికి ఇది రీమేక్ గా తెరకెక్కుతోన్న విషయం తెల్సిందే.
685153 544300You created some decent points there. I looked on the internet for the issue and identified most individuals will go along with along with your web site. 490737