యూత్ ఫుల్ ఫ్యామిలీ ఎంటర్టైనర్ “సంతాన ప్రాప్తిరస్తు” చిత్రంతో స్టార్ కమెడియన్ వెన్నెల కిషోర్ ఇప్పుడు సింగర్గా మారారు. ఈ సినిమాలో ఆయన పాడిన “అనుకుందొకటిలే..” లిరికల్ సాంగ్ విడుదలైంది.
డాక్టర్ భ్రమరం పాత్రలో కనిపించే వెన్నెల కిషోర్, చికిత్స కోసం వచ్చిన హీరోకి ధైర్యం చెబుతూ ఈ పాటను పాడుతారు. “అనుకుందొకటిలే, అయ్యిందొకటిలే, అయిపోలేదులే…” అంటూ సాగిన ఈ పాటలో హాస్యంతో పాటు వినోదం కూడా పుష్కలంగా ఉంది.
ఈ పాటకు సంగీతం సునీల్ కశ్యప్ అందించగా, లిరిక్స్ బాలవర్థన్ రాశారు. వెన్నెల కిషోర్ ప్రొఫెషనల్ సింగర్లా పాడి ఆకట్టుకున్నారు.
విక్రాంత్, చాందినీ చౌదరి హీరో–హీరోయిన్లుగా నటిస్తున్న “సంతాన ప్రాప్తిరస్తు” సినిమాను మధుర ఎంటర్టైన్మెంట్, నిర్వి ఆర్ట్స్ బ్యానర్స్పై మధుర శ్రీధర్ రెడ్డి, నిర్వి హరిప్రసాద్ రెడ్డి నిర్మిస్తున్నారు. దర్శకుడు సంజీవ్ రెడ్డి తెరకెక్కించిన ఈ సినిమా త్వరలోనే థియేట్రికల్ రిలీజ్కి సిద్ధమవుతోంది.