అసురన్కు రీమేక్గా తెరకెక్కుతున్న నారప్ప చిత్రంను జెట్ స్పీడ్తో తెరకెక్కిస్తున్నారు. శ్రీకాంత్ అడ్డాల దర్శకత్వంలో సురేష్ బాబు ఈ సినిమాను నిర్మిస్తున్నాడు. సొంత ప్రయోగాలు ఏమీ లేకుండా 99 శాతం ఉన్నది ఉన్నట్లుగానే అసురన్ను దించేయబోతున్నారు. ఎలాంటి ప్రయోగాలు చేయకుండా ఉన్నది ఉన్నట్లుగా చేయడమే కనుక ఎక్కువ సమయం తీసుకోవడం లేదు. ఈ సినిమా ప్రారంభం అయ్యి నెల రోజులు అయ్యిందో లేదో అప్పుడు తుది దశకు చిత్రీకరణ వచ్చేసింది అంటున్నారు.
ప్రస్తుతం తమిళనాడులోని ప్రముఖ ప్రాంతాల్లో చిత్రీకరణ జరుపుతున్నారు. అక్కడ నెల రోజుల పాటు చిత్రీకరణ జరుపనున్నారు. దాంతో సినిమా దాదాపుగా పూర్తి అయినట్లే అంటున్నారు. అంటే వచ్చే నెల రెండవ లేదా మూడవ వారంకు నారప్ప షూటింగ్ పూర్తి అవ్వబోతుందని సమాచారం అందుతోంది. మూడు నెలలు కూడా టైం తీసుకోకుండా ఈ సినిమా పూర్తి అవ్వడం అందరికి ఆశ్చర్యంను కలిగిస్తుంది.
ఈమద్య కాలంలో ఒక సినిమా కనీసం ఆరు నెలలు అయినా పడుతుంది. చిన్న హీరో సినిమా అయినా కూడా ఇంత తక్కువ సమయంలో పూర్తి అవ్వడం కష్టమే. కాని సురేష్ బాబు బడ్జెట్ కట్టింగ్స్ మరియు ఇతరత్ర కారణాలతో శ్రీకాంత్ అడ్డాల సినిమాను ఏమాత్రం ఆలస్యం లేకుండా చకచక పూర్తి చేస్తున్నాడు. ప్రియమణి హీరోయిన్గా నటిస్తున్న ఈ చిత్రంను ఏప్రిల్ చివర్లో లేదా మేలో విడుదల చేసే అవకాశం ఉందంటున్నారు.