హీరో వరుణ్ తేజ్ ‘వాల్మీకి’ సినిమాతో త్వరలో ప్రేక్షకుల ముందుకు రానున్న సంగతి తెల్సిందే. హరీష్ శంకర్ దర్శకత్వంలో తెరకెక్కుతోన్న ‘వాల్మీకి’, తమిళంలో ఘనవిజయం సాధించిన ‘జిగర్తాండ’ సినిమాకి రీమేక్. సెప్టెంబర్ 13న ‘వాల్మీకి’ విడుదల కాబోతోంది. ఇదిలా వుంటే, వరుణ్ తేజ్కి సంబంధించి ఓ ఇంట్రెస్టింగ్ గాసిప్ సినీ వర్గాల్లో హల్చల్ చేస్తోంది.
ఇంతకీ ఆ గాసిప్ ఏంటంటే, వరుణ్ తేజ్ త్వరలో ‘వరుడు’ కాబోతున్నాడట. అదేనండీ, వరుణ్ తేజ్కి పెళ్ళి చేయాలని కుటుంబ సభ్యులు ఓ నిర్ణయానికి వచ్చారన్నది సదరు గాసిప్ సారాంశం. వధువు హైద్రాబాద్కి చెందిన ఓ పెద్దింటమ్మాయి అట. ఓ ఇండస్ట్రియలిస్ట్ కుమార్తెతో కామన్ ఫ్రెండ్స్ ద్వారా వరుణ్కి పరిచయం అయ్యిందనీ, ఇరు కుటుంబాల మధ్య ఇప్పటికే ఈ విషయమై చర్చ జరిగిందనీ తెలుస్తోంది.
అయితే, చెల్లెలు నిహారికకి పెళ్ళి కాకుండా, అన్నయ్య వరుణ్కి పెళ్ళి ఎలా జరుగుతుంది.? అన్న అభిప్రాయం సర్వత్రా వ్యక్తమవుతోందనుకోండి.. అది వేరే విషయం. నిహారిక పెళ్ళికి సంబంధించిన కార్యక్రమాలు ఓ పక్క జరుగుతున్నాయనీ, మరోపక్క వరుణ్ విషయంలోనూ నాగబాబు స్పెషల్ ఇంట్రెస్ట్ పెట్టాడనీ అంటున్నారు. అయితే, ఇప్పటిదాకా ఈ విషయమై వరుణ్ నుంచి ఎలాంటి స్పందనా రాలేదు.
ప్రస్తుతానికి కెరీర్ గురించి తప్ప పెళ్ళి గురించిన ఆలోచనలు చేయడంలేదని ఆ మధ్య ‘ఎఫ్2’ సినిమా టైమ్లో పలు ఇంటర్వ్యూల్లో సెలవిచ్చాడు వరుణ్. మరి, ఈ మధ్యలో వరుణ్ ఆలోచనలు ఏమైనా మారాయని అనుకోవాలా.? వరుణ్ సంగతి పక్కన పెడితే, నిహారిక ‘సైరా నరసింహారెడ్డి’ సినిమాలో ఓ ఇంట్రెస్టింగ్ రోల్లో కన్పించబోతోంది. ‘సైరా’ కాకుండా మరో రెండు సినిమాల్లో నిహారిక నటించబోతోందంటూ ప్రచారం జరుగుతుండడం గమనార్హం. ఇంతలోనే ఈ పెళ్ళి గుసగుసలు రావడం ఆశ్చర్యకరమే.
నిప్పు లేకుండానే పొగ వస్తోందా.? లేదంటే, ఇదీ జస్ట్ ఓ రూమర్ మాత్రమేనా.? వేచి చూడాల్సిందే.
807047 127969Really nicely written story. It will probably be valuable to anyone who usess it, including yours truly . Keep up the excellent function – canr wait to read much more posts. 239150
426273 409403This was an incredible post. Truly loved studying your internet site post. Your data was really informative and valuable. I feel youll proceed posting and updating regularly. Searching forward to your subsequent 1. 611900
558240 160083Hi, have you ever before asked yourself to write about Nintendo or PSP? 854377