జనసేనలోకి వంగవీటి రాధా?

విజయవాడ రాజకీయంలో వంగవీటి ఎప్పుడు కూడా ప్రధాన ఆకర్షణ అనడంలో సందేహం లేదు. రాష్ట్ర వ్యాప్తంగా కూడా ఎప్పటికప్పుడు విజయవాడ రాజకీయం గురించి చర్చ జరగడం ఎన్నో సార్లు జరిగింది. ఇప్పుడు మరోసారి విజయవాడ లో జరిగిన భేటీ తెలుగు రాష్ట్రాల్లో చర్చనీయాంశంగా మారింది. వంగవీటి రాధా గత కొన్నాళ్లుగా రాజకీయాలకు దూరంగా ఉన్నారు అన్నట్లుగా ప్రచారం జరుగుతోంది. తెలుగు దేశం పార్టీలో ఆయన ఉన్నప్పటికి ఆ పార్టీ కార్యక్రమాలకు హాజరు కాకపోవడంతో పాటు.. వైకాపా నాయకులతో భేటీలు అవ్వడం.. చర్చలు జరపడంతో వైకాపా కు వంగవీటి రాధా వెళ్తాడు అనే వార్తలు వచ్చాయి.

ఇప్పుడు ఆయన్ను జనసేన పార్టీ రాజకీయ వ్యవహారాల ఇన్‌ చార్జ్ నాదెండ్ల మనోహర్‌ భేటీ అయ్యాడు. ఈ భేటీ కి రాజకీయ ప్రాముఖ్యత లేదని వారిద్దరు అంటూ ఉన్నా కూడా.. జరుగుతున్న పరిణామాలు చూస్తుంటే వచ్చే ఎన్నికల్లో జనసేన పార్టీ తరపున వంగవీటి రాధా పోటీ చేసే అవకాశాలు ఉన్నాయంటూ ప్రచారం జరుగుతోంది.