V Mega: కొణిదెల ప్రొడక్షన్ కంపెనీతో (Konidela Productions) నిర్మాతగా మారిన గ్లోబల్ స్టార్ రామ్ చరణ్.. (Ram Charan) ఇప్పుడు ఆయన స్నేహితుడు, యూవీ క్రియేషన్స్ (UV Creations) విక్రమ్ తో కలిసి వి మెగా పిక్చర్స్ బ్యానర్ ను స్థాపించారు. దీని ద్వారా కొత్త టాలెంట్ ప్రోత్సహిస్తామని ఇప్పటికే ప్రకటించారు. అయితే.. వీరికి అభిషేక్ అగర్వాల్ (Abhishek Agarwal) కూడా తమ అభిషేక్ అగర్వాల్ ఆర్ట్స్ బ్యానర్స్ జత కలిసింది. దీనిపై సరికొత్త అనౌన్స్ మెంట్ ఇచ్చి సినీ వర్గాల్లో ఆసక్తి రేపారు.
యంగ్ హీరోతో డిఫరెంట్ కాన్సెప్ట్ తో పాన్ ఇండియా లెవల్ కథతో కొత్త ప్రాజెక్టుతో వస్తున్నామని ప్రకటించారు. ఇందుకు సంబంధించిన అప్డేట్ మే 28న (ఆదివారం) ఉదయం 11:11 గంటలకు ఇస్తామని అనౌన్స్ చేశారు. ఈ సినిమా కొత్త దర్శకుడితో రానుందని తెలుస్తోంది. ప్రస్తుతం ఈ వార్త ఫిలిం సర్కిల్స్ లోనే హాట్ టాపిక్ అయింది. ఆర్ఆర్ఆర్ తో గ్లోబల్ ఇమేజ్ తెచ్చుకున్న రామ్ చరణ్ ప్రొడక్షన్ హౌస్ కావడంతో ప్రాజెక్టుపై మరింత క్యూరియాసిటీ ఏర్పడింది.
https://twitter.com/VMegaPictures_/status/1662434757081448449?s=20