The India House: గ్లోబల్ స్టార్ రామ్ చరణ్ (Ram Charan), ఆయన స్నేహితుడు, యూవీ క్రియేషన్స్ (UV creations) విక్రమ్, అభిషేక్ పిక్చర్స్ (Abhishek Pictures) అభిషేక్ అగర్వాల్ సంయుక్తంగా పాన్ ఇండియా ప్రాజెక్టుకు శ్రీకారం చుట్టారు. వి మెగా పిక్చర్స్ బ్యానర్ ద్వారా కొత్త టాలెంట్ ప్రోత్సహిస్తామని ఇప్పటికే ప్రకటించిన రామ్ చరణ్.. అభిషేక్ అగర్వాల్ జత కలిసి అప్డేట్ ఇచ్చారు. కార్తికేయ-2 ద్వారా పాన్ ఇండియా మార్కెట్ క్రియేట్ చేసుకున్న నిఖిల్ (Nikhil) హీరోగా ప్రాజెక్ట్ అనౌన్స్ చేశారు.
‘ది ఇండియా హౌస్’ టైటిల్ తో రామ్ వంశీ కృష్ణ దర్శకుడిగా ఈ సినిమాతో పరిచయం అవుతున్నారు. ముఖ్యపాత్రలో అనుపమ్ ఖేర్ నటించనున్నారు. ప్రముఖ స్వాతంత్ర్య సమరయోఢుడు వీర్ సావర్కార్ పుట్టినరోజు సందర్బంగా ఈరోజు ఫస్ట్ గ్లింప్స్ ను యూనిట్ విడుదల చేసింది. 1905 లండన్ నేపథ్యంలో బ్రిటిషర్లకు వ్యతిరేకంగా పోరాడిన వీర్ సావర్కార్ కథతో తెరకెక్కుతోంది. వీడియోలో నిఖిల్ ఇండియా హౌస్ వద్ద నిలబడిన స్టిల్ ఆకట్టుకుంటోంది. ఫస్ట్ లుక్ తోనే సినిమాపై చిత్ర యూనిట్ ఆసక్తిని పెంచారని చెప్పాలి.