తెలుగు బిగ్ బాస్ సీజన్ 6 లో ఆరవ కంటెస్టెంట్ గా అడుగు పెట్టిన తెలుగు అమ్మాయి క్యూట్ ముద్దుగుమ్మ శ్రీ సత్య. హౌస్ లో కి ఎంట్రీ ఇస్తున్న సమయంలోనే తనకు తిండి అంటే మహా పిచ్చి అంటూ నిర్మోహమాటంగా చెప్పేసింది. నాగార్జున గారి చేతుల మీదుగా చికెన్ తీసుకొని మరి హౌస్ లో అడుగు పెట్టింది. అప్పటి నుండి తిండి విషయంలో ఆమెను ఎంతో మంది ఎన్నో రకాలుగా ట్రోల్స్ చేస్తూనే ఉన్నారు.
మొదటి రెండు వారాల్లో ఆట విషయంలో కాస్త విమర్శలు ఎదుర్కొన్నా తనదైన సమయం వచ్చినప్పుడు ఆడ పులి మాదిరిగా శ్రీ సత్య తన ప్రతిభను కనబరుచుతూనే ఉంది. ఇక శ్రీ సత్య మరియు అర్జున్ ల మధ్య బాండింగ్ చాలా క్యూట్ గా ఉందంటూ ప్రేక్షకులు చర్చించుకుంటున్నారు. ఆసక్తికరంగా ఆటను ముందుకు తీసుకెళుతున్న శ్రీ సత్య గురించి మరిన్ని విషయాలు ఇప్పుడు చూద్దాం.
శ్రీ సత్య పూర్తి పేరు మంగళంపల్లి శ్రీ సత్య. 1997 జూన్ 29వ తారీఖున ఆంధ్ర ప్రదేశ్ లోని విజయవాడ లో జన్మించింది. ఈ అమ్మాయి విద్యాభ్యాసమంతా కూడా విజయవాడలోనే జరిగింది. చిన్నప్పటి నుండి నటన మరియు డాన్స్ పై ఆసక్తి ఉండడంతో స్కూల్ ప్రోగ్రామ్స్ లో యాక్టివ్ గా పాల్గొనేదట. చూడ్డానికి చాలా అందంగా ఉండడంతో స్కూల్ మరియు కాలేజ్ డేస్ లో ఆమె అందరి దృష్టిని ఆకర్షించేది.
అందుకే మోడల్ గా మారి మిస్ విజయవాడ టైటిల్ ని గెలుచుకుంది. ఆ తర్వాత మిస్ ఆంధ్రప్రదేశ్ టైటిల్ ని కూడా దక్కించుకుంది. మిస్ ఏపీ అయిన తర్వాత ఈమెకి సినిమాలు మరియు సీరియల్స్ లో ఆఫర్స్ రావడం మొదలయ్యాయి. రామ్ హీరోగా కీర్తి సురేష్ హీరోయిన్ గా తెరకెక్కిన నేను శైలజ చిత్రంలో శ్రీ సత్య కి చిన్న పాత్ర దక్కింది. ఆ పాత్ర వల్ల పెద్దగా గుర్తింపు దక్కలేదు.
ఆ తర్వాత లవ్ స్కెచ్, గోదావరి నవ్వింది వంటి చిన్నా చితక సినిమాల్లో నటించింది. సినిమాల్లో నటిస్తున్న సమయంలో పెద్దగా గుర్తింపు రాకపోవడంతో సీరియల్స్ వైపు అడుగులు వేసింది. సినిమాల్లో చేసిన అనుభవంతో ముద్దమందారం సీరియల్ ద్వారా బుల్లి తెరపై ఎంట్రీ ఇచ్చింది. ఆ తర్వాత నిన్నే పెళ్లాడుతా, అత్తారింట్లో అక్క చెల్లెలు, త్రినయని ఇంకా కొన్ని సీరియల్స్ లో నటించి మెప్పించింది.
అంతా బ్రాంతియేనా, తొందర పడకు సుందర వదన సినిమాల్లో మళ్లీ నటించి తన అదృష్టాన్ని పరీక్షించుకుంది. కానీ ఈసారి కూడా ఆమెకు నిరాశే ఎదురైంది. వెబ్ సిరీస్, సీరియల్స్ ఇలా ఎక్కడ చూసినా కూడా శ్రీ సత్య కనిపిస్తుంది. సోషల్ మీడియాలో కూడా ఈమెకు ఉన్న పాపులారిటీ అంతా కాదు. అందుకే శ్రీ సత్య కి బిగ్ బాస్ నుండి పిలుపు వచ్చింది.
ఆమె వచ్చిన అవకాశాన్ని సద్వినియోగం చేసుకోవాలని వెంటనే ఓకే చెప్పింది. శ్రీ సత్య కి సోదరి ఉంది, ఆమె పేరు సాయి ప్రవల్లిక. ఇక శ్రీ సత్య కి ఎన్టీఆర్ అంటే అమితమైన అభిమానం. ఆయన నటించిన ప్రతి ఒక్క సినిమాని చూసిందట. సోషల్ మీడియాలో ముఖ్యంగా ఇన్ స్టాలో చాలా యాక్టివ్ గా ఉండే శ్రీ సత్య కి ప్రస్తుతం దాదాపుగా 5 లక్షల మంది ఫాలోవర్స్ ఉన్నారు.
బిగ్ బాస్ నుండి బయటకు వచ్చేప్పటికి ఆమె ఫాలోవర్స్ సంఖ్య మిలియన్ చేరే అవకాశం ఉంది. ప్రస్తుతానికి శ్రీ సత్య బిగ్ బాస్ జర్నీ అలా అలా సాగుతుంది. ఇంకాస్త కష్టపడి ప్రేక్షకులకు ఎంటర్టైన్మెంట్ అందిస్తే టాప్ 5 వరకు వెళ్లే అవకాశాలు ఉన్నాయంటూ బిగ్ బాస్ విశ్లేషకుల అభిప్రాయం వ్యక్తం చేస్తున్నారు. క్యూట్నెస్ తో పాటు కాస్త తెలివి కూడా ప్రదర్శించి శ్రీ సత్య ఆటలో మరింత విజయాన్ని సక్సెస్ ని సొంతం చేసుకోవాలని కోరుకుంటూ ఆల్ ది బెస్ట్.
291018 513075I just could not go away your site before suggesting that I really enjoyed the usual info a person supply to your guests? Is going to be back ceaselessly as a way to inspect new posts. 789342
702285 467563Hey, you used to write great, but the last several posts have been kinda boring I miss your tremendous writings. Past few posts are just a bit bit out of track! come on! 687975