ఉదయ్బీర్ సందు తాజాగా ‘ధురంధర్’ సినిమాలో పిందా పాత్రతో గుర్తింపు తెచ్చుకున్నాడు. ఇప్పుడు ఆయనకు టాలీవుడ్లో ఆసక్తికరమైన అవకాశం దక్కే అవకాశముందనే టాక్ వినిపిస్తోంది. దర్శకుడు త్రివిక్రమ్ శ్రీనివాస్ తెరకెక్కిస్తున్న ‘ఆదర్శ కుటుంబం’ సినిమాలో కీలక విలన్ పాత్ర కోసం ఆయనతో చర్చలు జరుగుతున్నట్లు సమాచారం. ఈ చిత్రంలో హీరోగా వెంకటేష్ దగ్గుబాటి నటిస్తున్నారు.
సినీ వర్గాల సమాచారం ప్రకారం, కథలో బలమైన ప్రతినాయక పాత్ర కోసం ఉదయ్బీర్ సందును పరిశీలిస్తున్నారని తెలుస్తోంది. అధికారికంగా ఎలాంటి ప్రకటన రాకపోయినా, ఈ కాస్టింగ్ వార్త ప్రస్తుతం ఇండస్ట్రీలో ఆసక్తి రేకెత్తిస్తోంది. ఇటీవల ఆయనకు వచ్చిన గుర్తింపు, స్క్రీన్ ప్రెజెన్స్ దృష్ట్యా ఈ పాత్రకు సరైన ఎంపికగా భావిస్తున్నారన్న టాక్ ఉంది.
‘ఆదర్శ కుటుంబం’ సినిమా కుటుంబ కథతో పాటు త్రివిక్రమ్ స్టైల్ ఎమోషన్స్, డైలాగ్లతో సాగనుందని చెబుతున్నారు. ఈ ప్రాజెక్ట్లో ఉదయ్బీర్ సందు చేరితే కథకు కొత్త మలుపు వచ్చే అవకాశముందని అభిమానులు భావిస్తున్నారు. ప్రస్తుతం ఈ సినిమాపై అధికారిక వివరాల కోసం అందరూ ఆసక్తిగా ఎదురుచూస్తున్నారు.